6,599 total views
Nangangamba ang Ecumenical Institute for Labor Education and Research (EILER) sa Executive Order No. 97 ng administrasyon ni Pangulong Ferdinand Marcos Jr.
Ayon kay Renan Ortiz, chairperson ng EILER, may panganib sa polisiya na nagpapahintulot sa Armed Forces of the Philippines (AFP), Philippine National Police (PNP), at National Task Force to End Local Communist Armed Conflict o NTF-ELCAC na rumesponde o makibahagi sa gawain ng mga unyon.
Tinukoy ni Ortiza ang mga kaso ng red tagging, harassment at karahasan sa mga lider manggagawa ng unyon.
“We laud the hard work of the trade union centers and labor rights defenders that led to the explicit recognition that unionization must be protected as a fundamental labor right, we remain vigilant, however, and we call on the labor rights defenders to examine this new policy which clearly states that ‘the PNP, in coordination with DOLE, may request the assistance of the AFP to help restore and protect public order and security.’ That alone widens the Assumption of Jurisdiction, a mechanism of the state long criticized by labor rights defenders for violently dispersing workers’ strikes in the name of ‘national interest,” ayon sa mensahe ni Ortiza na pinadala ng EILER sa Radyo Veritas.
Bagamat kinikilala ng EILER na nakatuon ang Executive Order sa mga pamantayan para sa kalayaan ng mga manggagawa na mag-organisa nang walang panggigipit ay nanawagan ang church-based labor group sa pamahalaan, unyon at civil society organizations na suriing mabuti ang bagong kautusan.
Ikinatatakot ng EILER na ang kautusan ay maaring salungat sa mga polisiya ng International Labor Organization Conventions 87 at 98 lalo na lalo lamang magdulot sa mga manggagawa ng karagdagang banta, pangamba at karahasan.
Noong 2024, muling napabilang ang Pilipinas sa talaan ng Global Rights Index bilang isa sa ‘Top 10 Most Dangerous Countries for Labor Leaders and Members,’ matapos maitala ang 70 kaso ng pagpaslang sa mga lider at miyembro ng mga Labor at Environmental Groups.
