36,626 total views
Matapos ang 20-taon, opisyal na nagretiro bilang pangulo at Chief Executive Officer ng Radio Veritas 846, Ang Radyo ng Simbahan ang “guru” ng Out the Box strategy na si Rev. Fr. Anton CT Pascual.
Ang pagretiro ni Pascual ay inaprubahan ng Radio Veritas Global Broadcasting System Incorporated Board of Directors sa pangunguna ni BOD chairman Manila Archbishop Jose Cardinal Advincula.
Ika-3 ng Mayo 2025,opisyal namang uupo na Pangulo at CEO ng Radio Veritas kahili ni Fr. Pascual si Rev. Fr. Roy M. Bellen na outgoing Vice President for Operations ng Radyo ng Simbahan na kasalukuyang Team Ministry member ng Sacred Heart of Jesus Parish Makati, Vice-President for Operation ng TV Maria at head ng Archdiocesan Office of Communication ng RCAM.
Sa nakalipas na 20-taong panunungkulan bilang pinuno ng Radyo Veritas, nakamit ng Radyo ng Simbahan ang tunay na identity nito na maging Religious station, maging “crisis station” sa panahon ng iba’t-ibang natural na kalamidad at man made-made calamity gayundin ang pagiging boses ng katotohanan at kalamidad.
Matapos ang glory days dulot ng makasaysayang Edsa People Power bloodless revolution, bukod sa pagiging no.1 faith-based radio station, nakamit ng Radyo Veritas ang no.2 ranking sa unang quarter ng 2025 survey ng KANTAR sa Metro Manila at no.3 naman sa Mega-Manila.
Sa pamumuno ni Fr. Pascual ay napatingkad, naging masigasig at naging pro-active ang pagsusulong ng himpilan sa mga adbokasiya ng simbahan sa pulitika, ekonomiya, kultural at environment.
Ipinatupad ni Fr. Pascual ang “Out of the Box” Strategy sa programming ng Radyo Veritas upang hindi makipagsabayan “head on” sa malalakas at malalaking secular radio station kundi tutukan ang pangangailangan sa turo ng simbahan ng milyun-milyong katoliko.
Dahil sa sin products ban sa Radyo ng Simbahan, itinatag ni Fr. Pascual ang Kapanalig Radio community na mayroong mahigit-kumulang na 30,000 miyembro sa kasalukuyan nagbibigay ng buwanan at taunang pledge na malaking tulong sa patuloy na pagsasahimpaoawid ng himpilan upang ipalaganap ang mabuting balita ay new evangelization hindi lamang sa Pilipinas kundi maging sa ibat-ibang bahagi ng mundo.
Sa ilalim ng pamunuan ni Fr. Pascual, napagtagumpayan ng himpilan na maging “information hub” o sentro ng mga impormasyon ng mga kaganapan sa buong simbahan sa Pilipinas.
Sa kanyang pagretiro sa Radyo Veritas, mananatili namang pinuno ng Caritas Manila, ang social arm ng Archdiocese of Manila bilang Executive Director at head Minister ng Ministry on Cooperatives and Social Enterprises Development (MCSED).
Misyon ni Fr. Pascual sa kanyang pagretiro na palakasin at ipalaganap ang kooperatiba sa lahat diyosesis at arkidiyosesis sa Pilipinas.
BASAHIN: Batang Bicolano Priest, bagong pangulo ng Radyo Veritas
