14,041 total views
Sa gitna ng magkakasunod na kalamidad na patuloy na kinakaharap ng bansa, nanawagan si Antipolo Bishop Ruperto Santos sa mga Pilipino na huwag mapagod na magbahagi ng tulong, malasakit, at pananampalataya sa kapwa.
Kinikilala rin ni Bishop Santos ang labis na pagod ng taumbayan matapos ang sunod-sunod na sakuna na sumubok sa kabuhayan at katatagan ng bawat pamilya.
“When disasters come one after another, it is natural to feel drained — emotionally, financially, even spiritually. Fatigue is a human sign that we have been loving and laboring. Give what you can without losing yourself. These acts are signs through which God’s mercy reaches others and renews you,” ayon kay Bishop Santos.
Ngunit sa gitna ng pagkapagal, pinaalalahanan ng obispo ang mga Pilipino na huwag hayaang mamatay ang diwa ng pagmamalasakit sa kapwa at bayanihan.
“Compassion is not a resource that runs dry; it is a grace that multiplies when shared,” ayon pa kay Bishop Santos.
Binigyang-diin rin niya na ang pagpapahinga ay bahagi ng paglilingkod. “Rest is a Christian duty; replenishing your strength is not selfish but necessary so you may continue to serve.”
Para sa mga simbahan at parokya, hinimok ng obispo ang mga pinuno ng Simbahan na maging bukal ng pag-asa sa komunidad. Dapat aniya ay hikayatin ang mga mananampalataya na tumulong sa abot ng makakaya—sa pamamagitan man ng oras, dasal, o presensya. “Not everyone can give money, but many can give time, skills, prayers, or presence,” giit ni Bishop Santos.
Dagdag pa niya, dapat ding alagaan ang mga tumutulong.
“Volunteers, donors, and responders need spiritual nourishment too. Remind them that they are not alone — that the Church walks with them, and Christ strengthens them.”
Sa kabila ng mga trahedya, nanindigan ang obispo na pananampalataya pa rin ang pinakamatibay na sandigan ng Pilipino.
“Faith is the anchor in the storm. It does not erase suffering, but it gives it meaning,” paliwanag ni Bishop Santos.
Paalala pa ng obispo, “When we look at the Cross, we see pain — but we also see love, sacrifice, and resurrection. No storm is greater than God’s mercy.”
Muling paalala ni Bishop Ruperto Santos na manatiling maging mahabagin, magkaisa, at may pananampalataya lalo’t sa bawat kamay na tumutulong, at sa bawat pusong nagmamalasakit, naroroon ang awa at presensya ng Diyos.
Sa pinakahuling ulat, may dalawa katao na ang nasawi sa Super Typhoon Uwan, habang hindi naman bababa sa 200 ang nasawi sa bagyong Tino – na ang pinakamalaking bilang ay mula sa lalawigan ng Cebu at Negros Island Region.
