2,442 total views
Itatampok ng Hungary at Finland ang mga pangunahing laro ng kanilang mga bansa sa gaganaping Euro Village sa June 3 at 4.
Ipakikilala ng Hungary ang tanyag na ‘Teqball’ na isang uri ng football-based sport na kahalintulad ng table tennis.
Sinimulan ng Hungary ang gender-based equitable game noong 2012 na maaring ng dalawa o apat na pares ng manlalaro.
“The sport follows a points-based scoring format and can be played on various surfaces such as sand, acrylic or indoors. It allows players a maximum of three touches before returning the ball to the opponent, so if you can juggle a football three times, you will excel at teqball,” bahagi ng pahayag ng EU.
Pinasimulan ang Teqball ng tatlong football enthusiast na sina Gábor Borsányi; György Gattyán; at Viktor Huszár.
Samantala ipapamalas naman ng Embassy of Finland ang larong Molkky na isang Finnish throwing game na kahalintulad ng bowling.
Ito ay hango sa salitang ‘polkky’ o ‘block of wood’ na pinasimulan ng Lahden Paikka – na dating Tuoterengas noong 1996.
“Mölkky is a game that requires both skill and precision, but also a strategical mindset,” anila.
Tanyag din ang Molkky World Championship na nilalahukan ng 200 teams taon-taon.
Bukod sa dalawang laro tampok din sa Euro Village ang iba’t ibang sining, musika,pagkain at inumin ng Europa.
Gayundin ang pagtuturo ng European language tulad ng French, German, Italian at Spanish.
Lalahok sa isasagawang Euro Village sa Capitol Commons Park sa Pasig City ang mga bansang Belgium, Czech Republic, Denmark, Germany, Spain, France, Italy, Hungary, the Netherlands, Poland, Austria, Romania at Finland habang may natatanging pagtatampok din ng kultura ng Ukraine bilang pakikiisa sa bansa na patuloy nakikipaglaban sa pananakop ng Russia
Katuwang ng EU sa programa ang Green Space, Scholars of Sustenance Philippines at EcoNest bilang kaisa sa pagtataguyod ng sustainable lifestyle at pagbabawas ng greenhouse emissions.
Bukas ang Euro Village mula alas kuwatro ng hapon hanggang alas dose ng hatinggabi na maaaring bisitahin ng publiko.
