4,974 total views
Nakakalungkot na reyalidad sa ating bayan, napaka-mahal ang edukasyon, butas-butas ang bulsa ng mga magulang upang maitaguyod ang pag-aaral ng mga anak, makapagtapos ng karera sa kolehiyo, at makapaghanap ng trabaho.
Sa isang mag-aaral, hindi biro ang gumugol ng halos dalawang dekadang pagsisindi ng kandila upang makapagtapos ng pag-aaral., napakahirap ang daan, sa pagkamit ng diploma, ng titulong ikaw ay graduate.
Ang masakit Kapanalig, graduate ka nga sa kolehiyo, jobless ka naman., tambay lang sa kanto.
Maging ang Commission on Higher Education (CHED) ay nababahala sa mataas na bilang ng “jobless” na mga college graduate. Natuklasan sa June 2025 Labor Force survey ng DOLE na tumaas ng 2.6-percent ang bilang ng graduates sa kolehiyo na walang trabaho, dagdag ito sa 35.6-porsiyento noong December 2024.
Ang laging problema, mayroon namang trabaho pero ang bakante ay “mismatch” o hindi akma sa graduate skills ng isang college graduate. Halimbawa sa nationwide job fairs ng DOLE noong January 2025.., 3,364 lamang mula sa 25,876 job seekers ang natanggap sa trabaho., mayorya sa mga ito ay pumatol sa low skilled roles na hindi na nangangailangan ng college degree.
Nakakaalarma ang job mismatch Kapanalig, sa survey ng SWS noong December 2023., 22.1-percent sa mga adult na walang trabaho ay mga graduate ng kolehiyo..,20.8-percent sa Junior high graduates., 20.3-percent sa mga nagtapos lamang elementarya at 8.7-porsiyento naman sa mga hindi nakumpleto ang elementarya.
Ang krisis na ito ay lumilikha ng “brain dead” sa ating bayan, ang magagaling na graduates ay nagpasyang mangibang bayan., lumalaki ang antas ng migration., dumarami ang ating mga OFW.
Ipinagmalaki ni PBBM na ang edukasyon ay “cornerstone” ng kanyang administrasyon. Maganda ang hangarin, ngunit hangga’t hindi natutugunan ang suliranin sa job mismatch, sabihin nating 50-percent ng mga college graduate ay “summa cum laude”, anong trabaho ang naghihintay sa kanila? Saan sila mamasukan?
Kapanalig, hanggat hindi kumikilos, hanggat hindi alam ng CHED kung anong programa ang gagawin, nalalagay sa kawalan ang kinabukasan ng ating mga college graduates.
Sana, isulong ng CHED ang mga reporma na prayoridad ang innovation at equity na sentro ng higher education ng Pilipinas. “Ika nga, make education not just a ticket to opportunity, but a guarantee of meaningful and sustainable employment for all graduates”.
Kapanalig, hindi maaring ito ay ipagkipit-balikat lamang ng pamahalaan at mga eksperto sa edukasyon lalu kung nahaharap tayo sa hamon ng unemployment at nakakaalarmang job mismatch sa pagitan ng graduate skills at pangangailangan ng mga industriya sa bansa.
Graduates, ang payo ng Matthew 5:16–“Let your light shine before others, that they may see your good deeds and glorify your Father in heaven”.
Sa pamahalaan at employers., sinasabi ng Catechism of the Catholic Church 2445-2446, when we attend to the needs of those in want, we give them what is theirs, not ours.More than performing works of mercy, we are paying a debt of justice”.
Sumainyo ang Katotohanan.
