55,569 total views
Paiigtingin ng Philippine Interfaith Movement Against Human Trafficking (PIMAHT) at International Justice Mission (IJM) ang paglaban sa Online Online Sexual Abuse o Exploitation of Children (OSAEC).
Tiniyak ito ng grupo sa pakikiisa sa 7th Freedom Forum ngayong taon na dinaluhan ng mga institusyon na lumalaban sa OSAEC.
Ayon kay Father Roger Manalo, executive secretary ng CBCP-Episcopal Commission on Migrants and Itinerant People’s, kailangang nang wakasan ang OSAEC.
“Ang ating mga bata ay hindi dapat ma-traffic, Pero nangyayari ito dahil sa kasakiman ng ilan, na ginagamit ang kahinaan ng mga bata para sa sariling pakinabang, Kaya ang forum na ito ay isang pahayag at panawagan sa mga pinuno ng pamahalaan — na sa kanilang laban kontra korapsyon, tingnan din nila kung sino ang tunay na nagiging biktima nito,” ayon sa panayam ng Radyo Veritas kay Father Manalo.
Naninindigan naman ni IJM Philippine National Director Atty Sam Inocencio na ang programa ay upang mapalawig ang kaalaman ng mga Pilipino na tunay ang suliranin at marami ang mga bata ang nagiging biktima ng OSAEC na kadalasang isinagawa ng mga magulang, legal guardians at mga kamag-anak.
“Kaya ang focus ng discussion o dialogue sa Freedom Forum ay strong community response, upang magkaroon ng collaboration and partnership on the ground — para maging aware ang komunidad sa isyu ng OSAEC, nangyayari talaga ito sa ating mga tahanan, at madalas, pamilya mismo ang gumagawa o nagfa-facilitate ng OSAEC, Nililive-stream nila ang abuse o exploitation para sa mga consumers on the other side of the world,” ayon naman sa panayam ng Radyo Veritas kay Fr. Manalo.
Tiwala ang Pari na matutugunan ang problema ng OSAEC sa pagtutulungan ng simbahan, pamahalaan, pribadong sektor at maging ng mga magulang.
Sa pag-aaral ng IJM, kalahating milyong batang Pilipino ang biktima ng OSAEC noong 2022.
