11,964 total reads
Nababahala ang Ecumenical Institute for Labor Education and Research (EILER) sa mababang bilang ng mga manggagawang miyembro ng mga union sa Pilipinas.
Ayon sa EILER, ito pagpapakita na marami sa mga manggagawa ang hindi kabilang sa mga collective bargaining agreement sa kanilang mga employer.
“Kinakaharap ng mga manggagawa sa bagong taon ang mababang sahod kasabay nang mataas na presyo ng mga pangunahing bilihin at tumitinding mga atake sa kanilang karapatan sa pag-oorganisa,” ayon sa mensahe ng EILER.
Sinabi ng EILER na magiging dahilan ito upang hindi makamit ng mga manggagawa ang wastong pasahod at benepisyo.
Tinukoy ng EILER ang pag-aaral ng Bureau of Labor Relations na umaabot lamang sa 6.26-million ang mga manggagawang miyembro ng 146-libong rehistradong union sa Pilipinas na katumbas lamang ng 12.55% o 50-milyong Pilipino na mayroong trabaho.
“Susi sa pagkamit ng mga karapatan sa paggawa ang pagbuo at pagpapalakas ng mga unyon at asosasyon na siyang magsusulong ng kanilang kolektibong mga kahilingan,” bahagi pa ng mensahe ng EILER.
Noong 2023, ikinabahala ng labor sector ang muling pagkibilang ng Pilipinas sa Global Rights Index bilang isa sa ‘Top 10 most Dangerous Countries for Labor Leaders and Members in the World’.
