444 total views
Gaganapin ang pagbubukas ng photo exhibit sa Hunyo 7, 2026 kasabay ng pagdiriwang ng Banal na Misa ganap na alas-8 ng umaga kung saan inaanyayahan ang lahat ng mga mananampalataya at mga peregrino na makibahagi.
Tampok sa photo exhibit ang mga pambihirang pangyayaring kinilala ng Simbahang Katolika bilang mga Eucharistic miracles na nagpapatibay sa pananampalataya ng mga mananampalataya sa Tunay na Presensya ni Hesukristo sa Banal na Eukaristiya.
“In celebration of the Solemnity of the Most Holy Body and Blood of Christ (Corpus Christi), the parish community warmly invites everyone to the Launching of the Photo Exhibit of the Eucharistic Miracles from Around the World on June 7, 2026, during the 8:00am Holy Mass. It features extraordinary events recognized by the Church that strengthen our faith in the Real Presence of Jesus Christ in the Holy Eucharist. The exhibit will be available for viewing from June 7–29, 2026.” Bahagi ng paanyaya ng Albay Cathedral.
Layunin din ng exhibit na higit pang mapalalim ang debosyon ng mga mananampalataya sa Mahal na Sakramento sa pamamagitan ng pagninilay sa mga tanda ng presensya ng Diyos na ipinakita sa iba’t ibang bahagi ng mundo.
Hinihikayat din ng pamunuan ng St. Gregory the Great Cathedral Parish o Albay Cathedral ang lahat na bisitahin ang nasabing photo exhibit at higit na mapalapit kay Hesus sa Banal na Sakramento sa pamamagitan ng mga himalang kinikilala ng Simbahan bilang patunay ng Kanyang tunay na presensya sa Eukaristiya.
“Come and witness these signs of God’s presence and let them draw us closer to Jesus in the Blessed Sacrament.” Dagdag pa ng pamunuan ng Albay Cathedral.
Bukas sa publiko ang photo exhibit mula Hunyo 7 hanggang 29, 2026 upang mabigyan ng pagkakataon ang mga deboto, peregrino, at iba pang bisita na makita at mapagnilayan ang mga patotoo ng pananampalataya kaugnay ng Banal na Eukaristiya.
