24,545 total reads
Hinimok ni San Fernando La Union Bishop Daniel Presto ang mga mananampalataya na gamiting inspirasyon at tularan si Santa Clara ng Assisi upang higit na mapaigting ang pagtulong sa kapwa.
Ito ang mensahe ng Obispo sa pagdiriwang ng kapistahan ni Saint Claire of Assisi ngayong linggo na naglingkod sa Panginoon sa pamamagitan ng pamumuhay ng payak at paglilingkod sa kapwa.
Ayon kay Bishop Presto, nawa ay mabatid sa puso ng bawat isa at makita ang kapwa, higit na ang mga mahhihirap sa kawangis ng Panginoong Hesukristo upang higit na mapaigting ang mga inisyatibong tutulong sa mga nangangailangan.
“Ating inaalala ang kanyang buhay ng pagyakap sa kahirapan bilang pagtulad kay Kristo, Nawa ay maging inspirasyon natin sya sa ganitong uri ng pammuhay na hindi pinilipili ang katanyagan at pinipili ang marangyang pamumuhay, St Claire is also an example of a person who finds peace in God and strengthens her communion with God through prayer,” ayon sa mensaheng pinadala ni Bishop Presto sa Radyo Veritas.
Umaasa ang Obispo na sa pamamagitan ng Santo ay mapalalim ang pananampalataya ng bawat isa na magbubunga ng higit na pamamayani sa puso ang kababawang loob.
“We can imitate her by finding time, despite our busy schedule, to pray to God,St Claire is also known for her humility and this she finds in the example of Jesus. May we grow in humility everyday, inspired by the example of St Claire, Let us seek the example of st Claire as we grow in our faith through a life of simplicity, humility, and prayer,” bahagi pa ng mensaheng pinadala ni Bishop Presto sa Radyo Veritas.
Tuwing August 11 ipinagdiriwang ang Kapistahan ni Santa Clara Assisi na isinilang noong 1193 o 1194, tinalikuran ng Santo ang marangyang pamumuhay kapalit ng pamumuhay ng payak ayon sa ebanghelyo na kinalaunan ay itinatag at namuno sa monastic religious order ng Order of Poor Ladies o Poor Clares.
