24,579 total views
Ito ang mariing pahayag ni Pangulong Ferdinand R. Marcos Jr. sa harap ng lumalaking sentimyento laban sa mga anomalya sa flood control projects.
“If I wasn’t President, I might be out in the streets with them. Of course they are enraged. Of course they’re angry. I’m angry. We should all be angry, because what’s happening is not right,” ang pahayag ni Marcos sa isang press conference sa Malacañang.
Hinikayat ng Pangulo ang publiko na ipahayag ang kanilang galit at saloobin laban sa katiwalian.
“Ipaalam ninyo ang inyong sentimiyento. Ipaalam ninyo kung paano nila kayo sinaktan, kung paano nila kayo ninakawan. Sigawan ninyo sila, lahat gawin ninyo, mag-demonstrate,” dagdag pa ng punong ehekutibo.
Ngunit nagpaalala rin siya na dapat manatiling mapayapa ang kilos-protesta sa Setyembre 21.
“If you don’t do it peacefully, the police will have to do its duty to maintain peace and order,” anang Pangulo.
Tiniyak din ni Marcos na hindi poprotektahan ang sinuman sa imbestigasyon ng ICI.
“Look what we have found… I want to hold these people accountable just like they do. So I don’t blame them. Not one bit,” aniya, matapos ihayag ni Navotas Rep. Toby Tiangco na kabilang si Romualdez sa mga iniimbestigahan.
“Wala namang maniniwala kung sasabihin ko lang na walang kinikilingan at walang tinututulungan ang ICI. Kaya mas mabuti na imbestigahan ang lahat ng sangkot,” giit ng Pangulo, kung saan sakop din sa mga iniimbestigahan ng ICI ang kanyang pinsan na si Speaker Martin Romualdez.
Dulot na rin ng mga ulat na anomalya, sinuspinde na rin ng Pangulo ang paglaaan ng pondo para sa proyekto ng flood control sa 2026.
Sa halip, ang pondo ay ilalaan sa sektor ng edukasyon, agrikultura pabahay, kalusugan, imprastraktura at sa Information and Commucation Technology.
