1,007 total reads
Higit dalawang buwan bago ang nakatakdang 2022 National and Local Elections, pinaalalahanan ng opisyal ng Catholic Bishops Conference of the Philippines ang mga lider ng simbahan na maging mahinahon sa pakibahagi sa pulitika.
Ito ayon kay CBCP vice president, Pasig Bishop Mylo Hubert Vergara sa panayam ng Radio Veritas, bilang bahagi ng ‘One Godly Vote’ voters education campaign.
Ayon sa obispo, karapatan ng bawat mamamayan kabilang na ng mga pari at madre ang pumili ng kandidato na iboboto sa halalan.
Subalit bilang isang alagad ng simbahan, sinabi Bishop Vergara na kinakailangan ring pangalagaan ng bawat isa ang kanilang pagkakakilanlan o ‘identity’ bilang kasaping lingkod ng simbahan.
‘Pwede namang ilahad mo ang preference mo, pwede namang sabihin mo kung sinong kandidato at bakit ito even when all your value system pero dahil iyon ang identity mo, baka pwede kung magpu-persuade ka ng iba, you can do it unassumingly with prudence. It is much better that way,’ ayon kay Bishop Vergara.
Inigayag ni Bishop Vergara na lumalampas o crossing borders ang lantarang pag-eendorso ng isang pari at obispo sa kanyang sinusuportahang kandidato.
“Kasi if you will do it publicly you are crossing borders, that we do not know the consequences.’paglilinaw ni Bishop Vergara
Ang mensahe ng obispo ay kaugnay na rin sa hayagang pag-eendorso ng ilang mga pari at madre ng mga pulitiko lalo na sa pampanguluhan.
‘What will a priest or a bishop compromise or even a nun, when he or she is outspoken and perhaps uses a pulpit to campaign for somebody during this elections what will be at stake?’ ayon pa sa obispo.
Sinabi pa ng obispo na mahalagang tuwinang isaaalng-alang ng mga ‘kleriko’ ang misyon at adbokasiya ng simbahan na maaring makompromiso dahil sa pag-eendorso o hayagang pangangampanya sa isang kandidato.
