6,255 total reads
Naglabas ng opisyal na pahayag ang Archdiocese of Cebu kaugnay sa website na naglalaman ng listahan ng mga paring sangkot sa pang-aabuso, partikular na sa mga kabataan.
Ayon kay Archbishop Jose Palma, ilan sa mga paring kabilang sa listahan ay nakabalik na at aktibong naglilingkod muli sa Simbahan.
Iginiit ng arsobispo na ang mga sangkot na pari’y sumailalim sa kinakailangang legal at canonical process bago muling pahintulutang makapaglingkod, habang patuloy na sumasailalim sa patnubay at pangangasiwa.
Hinimok naman ni Archbishop Palma ang mga mananampalataya na ipagpatuloy ang pananalangin at pag-unawa, upang matulungan ang mga pari sa tunay na misyon bilang lingkod ni Kristo.
