748 total views
Inaanyayahan ng Surrender to God (SuGod) recovery progam ng Archdiocese of Cebu ang mga nalulong sa iba’t-ibang uri ng adiksyon na makiisa sa kanilang renewal program.
Ayon kay SuGod Executive Director Fe Barino, kasalukuyang pangulo ng Cebu Archdiocesan Commission on the Laity bukas ang programa lalo na sa mga kasapi ng LGBTQIA+ na nagnanais magbagong buhay.
“There is hope for everyone; SuGod welcomes any person with problem on addiction who needs help and willing to Surrender to God,”pahayag ni Barino.
Tiniyak ng pamunuan ng SuGod na ligtas at bukas ang lugar para sa mga nagnanais panibaguhin ang pananaw sa buhay lalo na ang mga nagumon sa bisyo at iba pang uri ng adiksyon.
Nanawagan si Barino na samantalahin ang libreng programa para sa mas maayos at mapayapang pamayanan.
“The program is free, courtesy of the many people who care to contribute for a peaceful society, free from drugs,” ayon pa ni Barino. Pangangasiwaan ang recovery program ng mga vounteer facilitators na dumaan sa pagsasanay para sa scientific at faith-based approached sa addiction prevention.
Bukod pa rito ang ilang pari ng arkidiyosesis na nakatutok sa programa para sa paghuhubog pang espirituwal kasama ang prayer vigil adorer’s ng Love of God charismatic community na itinatag ni Barino.
Isasagawa ang programa sa March 28 hanggang 31 sa DAP Training Center sa Compostela Cebu.
Matatandaang pinasimulan ni Barino ang programa noong 2016 na malaking tulong sa paglunsad ng malawakang drug war campaign ng administrasyong Duterte kung saan libu-libong drug surrenders ang natulungan ng programa na makapagbagong buhay.
Para sa karagdagang detalye makipag-ugnayan lamang kay JayR Reynes sa cellphone number 0956-0389972.
