143 total views
Pinalakas ng Intellectual Property Office of the Philippines o IPOPHIL ang paglaban sa pamimirata o merkado ng pagbebenta ng mga pekeng produkto sa online platforms.
Kasunod ito ng positibong resulta ng limang taong pagpapatupad sa ‘E-Commerce Memorandum of Understanding o MOU’ katuwang ang ibat-ibang ahensya.
Ayon sa IPOPHL, naging mas mabilis at mas epektibo ang pagtutulungan sa pagitan ng mga rights holders, kabuoan ng industriya, at e-commerce platforms sa pagtugon sa mga reklamo kaugnay ng online counterfeiting dahil ilan sa mga lumagda sa kasunduan ang nag-ulat ng mahigit tatlong ulit na pagtaas sa bilang ng mga counterfeit listings na naalis noong 2025 kumpara sa nakaraang taon.
Dahil sa tagumpay ng programa, kinikilala na rin ito bilang isang posibleng ehemplo para sa iba pang mga bansa sa na kasama sa Association of Southeast Asian Nation o ASEAN Region.
“Rights holders called for measures to address persistent challenges, including the need for stronger seller verification systems and stricter action against repeat infringers employing increasingly sophisticated tactics. They likewise raised concerns over trademark infringement and the complexities of cross-border enforcement, underscoring the need for more harmonized approaches across jurisdictions,” ayon sa mensaheng pinadala ng IPOPHIL sa Radyo Veritas.
Dumalo sa pinakahuling review ng MOU ang mga kinatawan mula sa Indonesia, Lao PDR, Myanmar, Singapore, at Timor-Leste upang pag-aralan ang karanasan ng Pilipinas sa paglaban sa online counterfeit trade.
Ayon naman kay IPOPHIL Deputy Director General Nathaniel Arevalo na patuloy na kinikilala ng mga kasaping bansa ng ASEAN ang inisyatibong ito bilang isang pinakamahusay na pamamaraan upang sugpuin ang bentahan ng mga pekeng produkto sa internet, sa kasalukuyan, ang Pilipinas rin ang namumuno sa ASEAN Network of IP Rights Enforcement Experts o ANIEE.
Tinalakay rin sa pulong ang pagpapalawak ng saklaw ng MOU mula sa simpleng pagtanggal ng mga online listings tungo sa mas mahigpit na pagpapatupad ng batas, mas matatag na seller verification system, at mas pinaigting na consumer education upang mabawasan ang paglaganap ng mga pekeng produkto sa merkado.
