8,604 total views
Naglabas ng isang ‘prophetic statement’ ang Franciscan Province of San Pedro Bautista kaugnay sa pinangangambahang mga hakbang sa Senado na naglalayong pigilan o pahinain ang impeachment process laban kay Vice President Sara Duterte.
Sa pahayag ng kongregasyon na pinangangasiwaan ni Franciscan Province of San Pedro Bautista – Philippines Minister Provincial Rev. Fr. Lino Gregorio Redoblado, OFM, ipinahayag ng mga Franciscano ang kanilang matinding pagkabahala sa umano’y pag-iral ng political loyalty kaysa sa katotohanan, katarungan, at pananagutan sa pamahalaan.
“We, the Franciscan Province of San Pedro Bautista, raise our voice in deep alarm and moral outrage over the recent political maneuverings within the Senate that appear intended to protect vested interests and shield Vice President Sara Duterte from the constitutional process of impeachment and public accountability.” Bahagi ng pahayag ng mga Franciscano.
Binigyang-diin ng kongregasyon na ang impeachment ay isang mahalagang constitutional mechanism upang tiyakin na walang opisyal ng pamahalaan ang nakahihigit sa pananagutan sa batas at sa sambayanan.
“The impeachment process exists precisely because no public official is above accountability. To deliberately obstruct, delay, manipulate, or neutralize this constitutional mechanism for the sake of political preservation is a grave betrayal of public trust and an offense against the very foundations of democracy.” Dagdag pa ng kongregasyon.
Ayon pa sa mga Franciscano, hindi maaaring manahimik ang Simbahan sa harap ng mga sitwasyong isinasakripisyo ang katotohanan para sa pansariling interes at kapangyarihan.
“As Franciscans, we cannot remain silent when truth is sacrificed for convenience, when power protects itself while the poor continue to suffer, and when those entrusted to serve the people choose political survival over moral integrity.” Ayon pa sa mga Franciscano.
Ipinunto rin ng kongregasyon na ang Senado ay hindi dapat magsilbing tagapagtanggol ng mga political dynasty o personal na ambisyon kundi dapat maging tagapangalaga ng Konstitusyon at katotohanan.
Nanawagan din ang Franciscan Province of San Pedro Bautista sa mga senador at opisyal ng pamahalaan na pairalin ang due process at talikuran ang kultura ng impunity at political accommodation.
“The Senate is not called to protect dynasties or political ambitions. It is called to defend truth, justice, and the Constitution. History will remember not the excuses made in moments of moral crisis, but the courage — or cowardice — shown within them.” Dagdag pa ng kongregasyon.
Hinimok din ng mga Franciscano ang mga lingkod ng Simbahan, kabataan, at mamamayan na manatiling mapagbantay at matapang sa pagtatanggol sa katotohanan at demokrasya.
“Democracy dies not only through tyranny, but also through silence, fear, and moral indifference,” Ayon pa sa mga Franciscano.
Samantala ipinanalangin din ng mga Franciscano na manaig ang katotohanan at katarungan sa gitna ng umiiral na krisis pampulitika sa bansa.
