8,168 total reads
Nagalak si Military Ordinariate of the Philippines Bishop Oscar Jaime Florencio sa pagtaas ng satisfaction rating ng mga Pilipino sa pagseserbisyo ng Armed Force of the Philippines.
Ayon sa Obispo, ang pagtaas ng datos ay pagpapakita na maayos at tapat na nagagampanan ng bawat hanay na kabilang sa AFP ang kanilang mga alituntunin para sa bayan.
“Based sa OCTA survey I am happy that our AFP troops is having a good percentage of satisfaction sa mga tao. Sana ito po at mula sa kanilang mga taospusong gawa. However i also pray rhat the same troops will not just be contented doon sa 76%,” ayon sa mensaheng ipinadala ni Bishop Florencio sa Radio Veritas.
Gayunpaman ayon sa Obispo, nawa ay simula pa lamang ito ng pananatili o higit na pagtaas ng satisfaction rating ng mga Pilipino kung saan higit na papatibayin ng AFP ang pagsisilbi para sa bayan.
Ito ay upang pagibayuhin ng mga uniformmed personnel at mga opisyal ng Hukbong Sandatahan ang pangangangalaga sa seguridad at kapayapaan ng Pilipinas kung saan ipinanalangin ng Obispo ang paggabay ng Panginoon at ng Espiritu Santo sa mga sundalo at bawat isang kabilang sa AFP.
“They should aim higher and higher everyday so that the satisfaction of the Filipino people will even be higher, I ask the Holy spirit to enlighten and being fulfilment these desires. God bless you all AFP troops,” ayon pa sa mensahe ni Bishop Florencio sa Radio Veritas.
Ang pagtaas ng Satisfaction Rating ay mula sa mga pag-aaral ng OCTA Reasearch na ‘Tugon ng Masa’ Survey kung saan natuklasan na 76% ng Pilipino ang ‘Satisfied’ sa mga programa at inisyatibo ng AFP habang 75% naman ang trust rating ng mga Pilipino sa AFP.
Pangako naman ng AFP ang pagpapatuloy sa pagpapatibay ng mga programa o inisyatibong higit na isusulong ang kapakanan ng mamamayan, moral ng mga sundalo, kagamitan o modernization efforts upang higit na magtiwala ang mga Pilipino sa AFP.
