7,359 total views
Kaisa ng simbahan ang iba’t-ibang sektor at grupo ng mga manggagawa na dumaranas ng kahirapan dahil sa nararanasang krisis sa ekonomiya dulot ng patuloy na pagtaas sa presyo ng mga bilihin na resulta ng pagtaas sa halaga ng mga produktong langis.
Suportado ni San Fernando La Union Bishop Daniel Presto ang apela ng ng ibat-ibang sektor at grupo nang manggagawa na umento sa sahod dahil sa mataas na halaga ng pangunahing bilihin at serbisyo publiko.
Bunsod nito, nanawagan ang Obispo sa sektor ng manggagawa, pamahalaan at mga employer na magkaroon ng dayalogo upang madinig ang hinaing ng mga lubhang apektado ng krisis.
Ipinagdarasal ni Bishop Presto na mamagitan ang gobyerno at maresolba ang problema upang maiwasan ang pagtaas ng bilang ng mga walang trabaho sa bansa.
Ipinapalangin din ng Obispo kay San Jose Manggagawa na pangalagaan ang sektor ng manggagawa na mahalagang pundasyon ng bansa sa pagbangon ng ekonomiya at maipagkaloob sa mga manggagawa ang hiniling na pagtaas sa sahod at tamang benepisyo.
“We pray that our government will intervene, to the best of their capacity, to minimize the incidence of unemployment as our country is facing economic hardships. Even those employed are facing hardships because of rising costs of commodities; how much more are those who are unemployed. They need to earn money honestly in order to bring food for the family. Marahil sa kalagayan ng mga mahihirap , lalo’t higit ang walang pinagkakakitaan, ang incidence ng pagkagutom ay mas lalong mataas sa ngayon kumpara bago magkagyera sa Middle East,” ayon sa mensaheng pinadala ni Bishop Presto sa Radyo Veritas.
“We seek the intercession of st Joseph, the patron saint of laborers, especially at this point in time , that our government officials think of ways for the good of our workers, that they create quality employment opportunities and foster a collaborative effort , both in the public and private sectors, for national development,” ayon pa sa mensaheng pinadala ni Bishop Presto sa Radyo Veritas.
Naunang nagpahayag ng pakikiisa sa sektor ng manggagawa ang Church People Workers Solidarity o CWS sa pamumuno ni Caritas Philippines President San Carlos Bishop Gerardo Alminaza.
Pinangunahan ng CWS ang pagdaraos ng mga forums upang ituro sa mga manggagawa ang kinakailangan impormasyon gayundin ang personal na pagsama sa pakikibaka at pagkilos para sa kahilingan na umento arawang suweldo.
