6,674 total reads
Binigyan ni Speaker Faustino Dy III ng palugit si Ako Bicol Rep. Zaldy Co hanggang Setyembre 29, 2025 upang umuwi sa bansa at harapin ang mga paratang laban sa kanya.
Ayon kay Dy, kung hindi susunod si Co ay ituturing itong pagtanggi sa mga legal na proseso ng Kamara at maaaring humantong sa diciplinary at legal action. “Shall be construed as a refusal to subject yourself to the lawful processes of the House and will result in the initiation of appropriate disciplinary and legal actions,” ayon sa liham ni Speaker Dy.
Ginawa ni Dy ang ultimatum sa kanyang liham bilang tugon sa sagot ni Co kaugnay ng pagbawi ng kanyang travel clearance. Ipinaliwanag ng Speaker na ipinasa na sa House Committee on Ethics ang komunikasyon ni Co, kung saan nakabinbin na ang reklamo laban sa kanya. Tiniyak din ng Speaker na kung magbabalik sa bansa si Co, makikipag-ugnayan ang Kamara sa mga kinauukulang ahensya upang masiguro ang kanyang kaligtasan at ng kanyang pamilya.
Giit ni Dy, ang kanselasyon ng travel clearance ay isang mahalagang pagkakataon para harapin ni Co ang mga paratang sa tamang forum at ipaliwanag ang kanyang depensa. Dagdag pa ng pinuno ng Kamara, “The only proper way to address these matters is not through correspondence from abroad, but by returning, appearing at the proper forum, and answering the charges directly.”
