31,048 total reads
Naniniwala ang Filipino ecumenical youth group na Student Christian Movement of the Philippines (SCMP) na malaki ang maaring maging epekto at maitutulong ng posibleng pagbisita ni Pope Leo XIV sa Gaza upang mabigyang pag-asa ang mga mamamayan na patuloy na naiipit sa armadong sagupaan.
Ito bahagi ng mensahe ni SCMP National Chairperson Kej Andres kasunod ng panawagan ng international pop icon na si Madonna sa kaniyang social media post sa Santo Papa para sa posibilidad ng pagbisita sa Gaza upang matigil na ang malawakang karahasan at kahirapan na nararanasan ng mga sibilyan lalo’t higit ng mga bata sa lugar.
Inihayag ni Andres sa Radyo Veritas ang panawagan kay Pope Leo XIV na bisitahin ang Gaza ay upang maipadama sa mga mamamayan ang pakikiisa, biyaya, at pag-asa mula sa Panginoon.
“Like a prayer, we also plea to the Holy Father to visit Gaza and extend his grace, support, and solidarity for the suffering Palestinians who have experienced genocide and apartheid even before 1948. No one, even Christians and their churches in Gaza, has been spared from bombings, shootings, and systematic starvations by Israel. We need more church leaders to speak up and take action.” Bahagi ng pahayag ni Andres.
Ayon kay Andres, mahalaga ang impluwensya ng Santo Papa na punong pastol ng Simbahang Katolika at ng iba pang mga lider ng bansa at mga kilalang personalidad para isulong ang sama-samang pagkilos para sa kapakanan ng mga mamamayan ng Palestina at ng buong mundo.
“In the final analysis, while having very considerable influence, it is not up to the Pope or Madonna who will be decisive on the outcome of the humanitarian crisis in Palestine. It is up to the Palestinians and the peoples of the world in solidarity to end this horrific chapter in our history. Through our pressure on governments and other offices, our collective efforts have pushed personalities and institutions to recognize the crisis and struggles present. We, the laity, can do so much more,” Dagdag pa ni Andres.
Matatandaang noong Hulyo 2025 ng tinamaan ng pambobomba ng Israel ang tanging Simbahang Katolika sa Gaza na kumukopkop na mamamayan na nagresulta sa pagkasawi ng 3-indibidwal at pagkasugat ng 6 kabilang na ang kura paroko ng Holy Family Catholic Church na si Fr. Gabriel Romanelli.
Patuloy an panawagan at pakondena ni Pope Leo XIV sa nagaganap na digmaan, at iba pang armadong sagupaan sa iba’t ibang bansa na patuloy na bumibiktima sa mga inosenteng sibilyan lalo’t higit sa mga bata.
Samantala, bago naman namayapa ay naging bahagi na ng regular na gawain kada araw ng dating Santo Papang si Pope Francis ang personal na pagtawag kay Fr. Romanelli upang mangamusta at ipakita ang kanyang pakikiisa sa kapakanan ng mga mamamayan ng Gaza.
Ayon sa tala ng United Nations, nasa higit 75,000 na ang nasawi mula pa noong Oktubre 2023 habang patuloy ding lumalala ang banta ng matinding kahirapan at kagutuman sa Gaza.
