25,678 total reads
Inaanyayahan ng Caritas Manila Segunda Mana Program ang mga Pilipino na makiisa sa mga idadaos na Segunda Mana Donation Drive.
Una sa mga ito ay idadaos na Donation Drive sa August 30, sa loob ng isang araw sa Avida Southfield Settings Nuvali sa lalawigan ng Laguna.
“Join our 1-day Donation Drive on August 30, 2025 at Avida Southfield Settings NUVALI, Laguna!#CaritasManila #CharityWorks #SegundaMana #DonationDrive #DonateToEducate,” ayon sa paanyaya ng Caritas Manila.
Susundan naman ito ng Five Days Donation Drive na idadaos sa himpilan ng Philippine Statistics Authority sa East Avenue Diliman Quezon City na magsisimula sa September One hanggang Five.
“Join our 5-day Donation Drive, in partnership with Philippine Statistics Authority (PSA)
on September 1 – 5, 2025 at PSA Headquarters, PSA Complex, East Avenue, Diliman, Quezon City! #CaritasManila #CharityWorks #SegundaMana #DonationDrive #DonateToEducate,” ayon pa sa paanyaya ng Caritas Manila.
Sa pamamagitan ng mga donation drive ay matutulungan ng mga donors na makapagtapos sa pag-aaral ang may limang libong Youth Servant Leadership and Education Program Scholars.
Ito ay dahil umaabot sa isang libong YSLEP Scholars ang napapatapos ng Caritas Manila Segunda Mana at YSLEP kada taon sa antas ng kolehiyo.
Sa pamamagitan ng Donation Drives ay maaring makapagbahagi ng mga inkind items ang mga donors na katulad ng mga libro, damit, sapatos, laruan, kasangkapan sa bahay o kusina at iba pang mapapakinabangang gamit.(
