9,654 total reads
Inaanyayahan ni Fr.Anton CT Pascual – Minister ng Ministry on Cooperatives and Social Enterprise Development (MCSED) ng Archdiocese of Manila at chairman ng Union of Metro Manila Cooperatives at Union of Church Cooperatives ang mamamayan na maging miyembro ng kooperatiba. Makiiisa at palalimin ang kanilang kaalaman hinggil sa kahalagahan ng mga kooperatiba sa lipunan.
Ito ang panghihimok ni Fr. Pascual sa launching ng International Year of Cooperatives 2025 (IYC2025) sa Quezon City Memorial Circle sa pangangasiwa ng Cooperative Development Authority (CDA) katuwang ang mga malalaki at nangungunang kooperatiba sa bansa.
“Sigaw ng kooperatiba! kayang kaya! pag sama-sama!, nagpapasalamat po tayo sa Panginoon sa biyaya ng ating Philippine Launch and there will be more launches in different parts of the country as we participate in the International Year of Cooperatives 2025,” ayon sa mensahe ni Fr.Pascual.
Hinikayat naman ni CDA Officer In Charge Assistant Secretary Myrla Paradillo ang mga Pilipino na paigtingin ang pagkakaisa at palalimin ang kaalaman sa kahalagahan ng kooperatibismo sa lipunan.
Inaanyayahan din ng opisyal ang mga kabataan na makiiisa sa mga layunin at pagsusulong ng mga kooperatiba upang matiyak ang pag-unlad nito para sa susunod sa henerasyon.
Tiwala si Paradillo na isapuso ng mga miyembro ng kooperatiba ang pagkakaisa na layunin ng cooperative year 2025.
Tema ngayong 2025 ay ‘Cooperatives Build a Better World’.
Diwa ng IYC2025 na higit pang mapalalim ang kaalaman ng mga Pilipino higit na ng mga kabataan sa kahalagahan ng mga kooperatiba at pagiging kamay-ari nito.
