8,671 total reads
Gagamitin ng Economy of Francesco Foundation ang paksang ‘Hope and Covenant to give Soul to the Economy’ bilang pambungad na talakayan sa EOF School 2025.
Ibabahagi ni EOF Foundation President Luigino Bruni kung paano magamit ang Jubilee Year 2025: Pilgrims of Hope sa pagpapaunlad ng ekonomiya.
“In celebration of the Jubilee Year of Hope declared by Pope Francis, we are honored to have Professor Luigino Bruni kick off our first session on 17th February with an inspirational talk titled “Hope and a Covenant to Give a Soul to the Economy,” ayon sa ipinadalang mensahe ng EOF Foundation sa Radio Veritas.
Magsisimula na ang EOF School 2025 sa February 17, Central European Time na mas maaga ng anim na oras sa Pilipinas.
Gagamitin ng Economy of Francesco Foundation ang “fishbowl method” sa online conference dahil sa dami ng kalahok.
Hahatiin ang mga kasali sa EOF School 2025 conference sa mga pangkat upang ganap na marinig ang boses ng bawat isa sa mga hakbang na nararapat gawin upang mapaunlad ang ekonomiya na hindi naisasantabi sa pag-unlad ang mga mahihirap.
Libre at bukas para sa lahat ang EOF School 2025, upang makasali ay maaring bumisita sa official Facebook Page at Website ng EOF Foundation (https://francescoeconomy.org/towards-the-eof-foundation/) upang mahanap ang mga links at patnubay upang magpatala hanggang sa pinalawig na deadline hanggang February 18.
Ang EOF School 2025 ay ang taunang pagdaraos ng mga online conference ng EOF Foundation upang mahimok ang mga kabataan, ekonomista at iba pa mula sa ibat-ibang sektor ng lipunan na makiisa sa mga inisyatibo ng organisasyon tungo sa pagpapanibago ng ekonomiya na nakaayon sa pananampalataya at pangangalaga ng kalikasan.
