7,152 total views
Sa kanyang mensahe para sa Pasko ng Pagkabuhay, nanawagan si Pangulong Ferdinand Marcos Jr. sa sambayanang Pilipino na maging buhay na saksi sa mensahe ng muling pagkabuhay ni Kristo sa pamamagitan ng pagkilos para sa kapwa at para sa bansa.
Ayon kay Pangulong Marcos, ang Pasko ng Pagkabuhay ay higit pa sa isang pagdiriwang ng pag-asa—ito ay patunay ng tagumpay ng buhay laban sa kamatayan, liwanag laban sa dilim.
“The triumph of Easter Sunday is not just a celebration filled with hope and aspiration for a better tomorrow, but also a testament to the victory of life over death, hope over despair, and light over darkness,” pahayag ng Pangulo.
Binigyang-diin niya na ang muling pagkabuhay ni Hesus ay paanyaya sa bawat isa na isabuhay ang malasakit, pagpapatawad, at pagkakaisa sa kapwa. Ngunit giit ng Pangulo, hindi sapat na ipahayag ang pagkabuhay ni Kristo kung mananatili namang nakalugmok sa pagkakautang, gutom, at katahimikan ang iba.
“However, to be true pilgrims of hope, it is not enough to say He is risen while leaving others buried—in debt, in hunger, and in silence,” aniya. “If Christ walked out of the tomb, then no one should remain sealed inside theirs.”
Hinikayat niya ang mga Pilipino na tanggapin ang hamon ng Pasko ng Pagkabuhay bilang panawagan sa pagkilos at pagbabago—hindi lamang sa pananalig, kundi sa gawa.
“We must rise—not merely in belief, but in deeds, and not only in prayer, but in action,” dagdag ni Marcos. “The risen Christ does not rise alone, He invites us to rise with Him—through policies that heal, through laws that protect, and through governance that leaves no one behind.”
Sa pagtatapos ng kanyang mensahe, hinimok ng Pangulo ang lahat na sama-samang buuin ang Bagong Pilipinas sa pamamagitan ng pananampalataya na may kalakip na pagkilos.
“Let us manifest the strength of our faith with the work of our hands and, together, build the Bagong Pilipinas we aspire for our people. Together with the faithful, I greet everyone with the fierce, uncontainable joy of the Resurrection.”
Maligayang Pasko ng Pagkabuhay sa lahat!
