6,858 total views
Pinuri ni Prelature of Batanes Bishop Danilo Ulep ang mapayapa at maayos na pagsasagawa ng 2025 Midterm and Local Elections sa lalawigan ng Batanes.
Sa pahayag, nagpapasalamat si Bishop Ulep sa lahat ng naging bahagi ng halalan, mula sa Commission on Elections (COMELEC), Board of Election Inspectors, hanggang sa mga volunteer ng Parish Pastoral Council for Responsible Voting (PPCRV).
“I thank the Commission on Elections and the Board of Election Inspectors for their dedication, professionalism, and tireless efforts in upholding the integrity of our democratic process… To all our Parish Volunteers (PPCRV) from the different parishes in the Church who selflessly assisted during the elections – your willingness to serve is a powerful witness to the Gospel values of love, justice, and service to others,” mensahe ni Bishop Ulep mula sa panayam ng Radyo Veritas.
Nagpaabot din ng pasasalamat ang obispo sa mga kandidato, nanalo man o hindi, sa pagpapamalas ng katapangan at hangaring makapaglingkod sa bayan.
Hinikayat ni Bishop Ulep ang mga kandidato na patuloy na maging kasangkapan ng pagkakaisa at paglilingkod, sa anumang misyong ipagkaloob ng Diyos.
Pinasalamatan din ng obispo ang mga botante, na sa pamamagitan ng aktibong pakikibahagi sa halalan, ay ipinakita ang pananampalataya sa demokrasya at pagmamalasakit sa bayan.
“By casting your votes and ensuring the sacredness of this act, you have taken part in shaping the future of our communities and our province,” ayon kay Bishop Ulep.
Hamon naman ni Bishop Ulep sa mamamayan ng Batanes na isantabi na ang pagkakaiba sa pulitika at magkaisa tungo sa iisang layunin na magkaroon ng mapayapa, maunlad, at maka-Diyos na pamayanan.
