21,144 total views
Naniniwala ang isang opisyal ng Catholic Bishops’ Conference of the Philippines (CBCP) na ang Korte Suprema — at hindi ang Kongreso — ang may kapangyarihang humusga kung may legal na depekto ang impeachment complaint laban kay Vice President Sara Duterte.
Ayon kay Fr. Jerome Secillano, executive secretary ng CBCP-Episcopal Commission on Public Affairs, kung may nakikitang legal na pagkukulang ang ilang senador sa reklamo, dapat ay hayaan ang Korte Suprema ang magpasya ukol dito.
“If there is a legal infirmity in the impeachment complaint as alleged by some senators, they should know that matters of law is not decided by Congress but by the Supreme Court,” ayon sa pari.
Binatikos din ni Fr. Secillano ang ilang senador na tila minamadali ang proseso at nagpapakita ng malinaw na manipulasyon sa impeachment proceedings.
Dagdag pa ni Fr. Secillano, “What some senators did is absurd. It’s obvious that they are manipulating the impeachment process.”
Binigyang-diin ng pari ang paalala ng CBCP na kapag ang pulitika ay ginagamit lamang para sa pansariling interes, nauuwi ito sa pagmamanipula at pang-aabuso ng kapangyarihan.
“The CBCP said it aptly, ‘when politics serves only partisan interests, it degenerates into manipulation,” ayon pa sa pari.
Iginiit ni Fr. Secillano, ang layunin ng impeachment ay panagutin ang mga opisyal ng pamahalaan alinsunod sa Saligang Batas.
Sa kabila ng gulo sa pulitika, umaasa ang Simbahan na mananaig pa rin ang katotohanan, katarungan, at kapakanan ng sambayanan.
