23,274 total views
Hinimok ni Antipolo Bishop Ruperto Santos ang mga Pilipino na isabuhay ang pagtutulungan sa upang higit na maghilom ang Pilipinas at matulungan ang kapwa na makamit ang maayos at may dignidad na pamumuhay.
Sa kanyang mensahe sa pagdiriwang ng ika-127 Independence day ng Pilipinas sa ika-12 ng Hunyo, inihayag ni Bishop Santos na marami pang Pilipino ang hindi pa natatamasa ang tunay na kalayaan na makapamuhay ng may dignidad, makamit ang pangunahing pangangailangan at makaiwas sa mga paniniil.
“As we celebrate Independence Day, we are reminded not only of the historic
struggle for freedom but also of the responsibility it carries—to ensure that every
Filipino, especially the most vulnerable, experiences the dignity and opportunity that independence promises, true freedom is not just political or economic; it is the liberation of the human spirit from suffering, injustice, and oppression. As a nation, we must continue striving for this deeper freedom by working towards the betterment of the lives ofthe needy and the poor,” ayon sa mensaheng ipinadala ni Bishop Santos sa Radyo Veritas.
Ipinarating din ng Obispo ang mahalagang papel ng simbahan sa pagsasabuhay nito upang magabayan ang mga Pilipino sa tamang landas.
Itoy sa pamamagitan ng paggabay sa pangangailangang espiritwal, pagsusulong ng mga adbokasiya na magtataas sa antas ng pamumuhay ng mga pinakanangangailangan at mga magpapabuti sa kalagayan ng mga mahihirap.
“This is a task that calls upon every Filipino, regardless of status, to be an active participant
in the healing and rebuilding of our nation. Let this Independence Day renew in us the resolve to build a Philippines where freedom is not just a historical ideal but a lived reality for all. May God bless our nation and every effort that seeks to uplift the least among us,” bahagi pa ng mensaheng ipinadala ni Bishop Santos sa Radyo Veritas.
Ipinapanalangin ni Bishop Santos na patuloy na ipaglaban ng mga Pilipino ang pakikibaka ng mga bayaning Pilipino para makamit ang kalayaan sa mga banyaga at maging malaya sa paniniil ng mga nasa kapangyarihan.
Tema ng Araw ng Kalayaan ngayong 2025 ang ‘Kalayaan, Kinabukasan, Kasaysayan,’.
