20,009 total views
Ipinapaubaya ng Pangulong Ferdinand Marcos Jr. sa mga Pilipinong nasa Israel at Iran ang pagpapasya kung nais na nilang umuwi ng Pilipinas dulot ng rin ng tumitinding tensyon sa pagitan ng dalawang bansa.
Ayon kay Pangulong Marcos, wala pa siyang nakikitang pangangailangan para sa mandatory repatriation o sapilitang pagpapauwi ng mga Pilipino mula sa Israel at Iran.
“We of course are watching our nationals both in Israel and in Iran and as a matter of fact, we have already contacted all our nationals and asked them if they want to be evacuated,” ayon kay Pangulong Marcos.
Sinabi ng Pangulo, nasa desisyon ng mga Pilipino at sa kanilang pamilya sa mga nabanggit na bansa kung nais na nilang umuwi sa Pilipinas at ligtas pa para manatili.
Tiniyak ng Pangulo na binabantayan ng pamahalaan ang sitwasyon ng mga Pilipino sa Israel at Iran, kung saan may ilan na rin ang nagpahiwatig na nais nang umuwi ng Pilipinas dahil sa pangambang maipit sa digmaan.
Sinabi naman ng punong ehekutibo na isa sa mga problema sa ngayon ay ang pagsasara ng ilang paliparan. Dahil dito, naghahanap na sila ng ibang ruta para makauwi ang mga Pilipino.
“But we have been able to do that and the first batch, in fact Secretary Cacdac is already on his way to Jordan para ma-coordinate both the evacuees from Israel and evacuees from Iran,” ayon pa sa punong ehekutibo.
Dagdag ni Marcos, patungo na si Department of Migrant Workers (DMW) Secretary Hans Leo Cacdac sa Jordan upang ayusin ang paglikas ng mga kababayan nating nasa Israel at Iran
Epekto sa inaasahang pagtaas ng presyo ng krudo.
“Well, again, we are starting already with the assumption that the oil prices will in fact go up and I cannot see how it will not. Because the Strait of Hormuz will then be blocked if it escalates. The oil cannot come out of its sources. So the prices will certainly be affected,” ayon pa kay Marcos.
Dahil sa inaasahang pagtaas ng presyo ng Langis, sinabi ng Pangulo na pinaghahandaan na rin ng pamahalaan ang pagbibigay ng fuel subsidy, lalong lalo na sa mga namamasada at higit na apektadong sektor.
