28,681 total views
Kinilala at pinasalamatan ni Pope Leo XIV ang mga nagatatrabaho sa larangan ng edukasyon sa patuloy na pagsasabuhay ng misyong hubugin at linangin ang karunungan ng kabataan.
Ayon sa santo papa malaking tulong sa lipunan ang masigasig na paglilingkod ng mga tagapaghubog upang matuto ang mga kabataan na inaasahang magpapatuloy sa paglilingkod sa mga susunod na henerasyon.
Tinuran ni Pope Leo ang mga kalahok ng Giffoni Film Festival kung saan nabibigyang pagkakataon ang mga kabataan sa buong mundo na malinang ang kakayahan.
“During the summer months, there are many initiatives involving children and young people, and I would like to thank the educators and animators who dedicate themselves to this service. In this context, I wish to mention the important initiative of the Giffoni Film Festival, which brings together young people from all over the world, and whose theme this year is ‘Becoming Human’,” bahagi ng mensahe ni Pope Leo XIV.
Noong 1971 nang maitatag ang GFF na layuning isulong at paunlarin ang sining ng pelikula para sa mga kabataan at isang festival para sa mga bata at kabataang manonood.
Ito rin ay nagsilbing plataporma para sa mga produksyong pampelikula na nakatuon sa mga bata at kabataan gayundin ang palitan ng mga ideya sa pagitan ng mga filmmaker, producer, at distributor.
Layunin din ng Festival na itaguyod ang kaalaman at pagpapalaganap ng mga produktong may mataas na artistic values, mga pelikulang may kakayahang mag-ambag sa edukasyon at pag-unlad ng kultural na kamalayan at kritikal na pag-iisip ng kabataan.
Samantala sa parehong pagkakataon muli ring nanawagan si Pope Leo para sa kapayapaan ng buong daigdig at matigil na ang mga karahasan sa lipunan na pawang mga inosenteng sibilyan ang biktima.
“Let us not forget to pray for peace and for all those who, because of violence or war, find themselves in a state of suffering and need,” dagdag ng santo papa.
Patuloy na umiiral sa iba’t ibang bahagi ng daigdig ang mga digmaan na kumitil sa libu-libong mamamayan na karamihan ay mga sibilyan kung saan sa datos naitalang deadliest na digmaan ang World War II na may 70 hanggang 85 milyon ang nasawi kung saan 55 milyon ay mga sibilyan.
