54,330 total views
Itinalaga ng Kanyang Kabanalan Leon XIV si Tagbilaran Bishop Alberto Uy bilang ikalimang arsobispo ng Archdiocese of Cebu.
Isinapubliko ng Vatican ang appointment nitong July 16 kasabay ng kapistahan ng Our Lady of Mt. Carmel.
Si Archbishop-designate Uy ang hahalili kay Archbishop Jose Palma makaraang maabot ang mandatory retirement age ng isang obispo na 75 taong gulang noong March 19, 2025 makalipas ang 14 na taong paninilbihan sa arkidiyosesis.
Tubong Ubay, Bohol ang bagong arsobispo at nagtapos ng kanyang philosopy sa Immaculate Heart of Mary Seminary sa Tagbilaran City, theology naman at master’s degree ng pastoral ministry sa St. John Mary Vianney Theological Seminary sa Cagayan de Oro City habang licentiate ng sacred theology sa Loyola School of Theology sa Quezon City.
Inordinahan si Archbishop-designate Uy noong 1993 sa Diocese of Talibon at ginampanan ang iba’t ibang tungkulin sa diyosesis.
Noong 2002 hanggang 2006 nagtungo ng Roma ang arsobispo at nagtapos ng doctorate in sacred theology sa Pontifical Gregorian University.
Matatandaang OCtober 2016 nang italaga ni noo’y santo papa Pope Francis si Archbishop designate Uy bilang obispo ng Tagbilaran kahalili sa nagretirong si Bishop Leonardo Medroso.
January 5 nang gawaran ng episcopal ordination ang obispo sa pangunguna ni Dicastery for Evangelization Pro Prefect Cardinal Luis Antonio Tagle na noo’y arsobispo ng Manila at iniluklok sa cathedra ng Tagbilaran January 6, 2017.
Ipapastol ni Archbishop designate Uy ang humigit kumulang limang milyong kawan ng buong lalawigan ng Cebu katuwang ang 375 diocesan priests at 278 religious priests sa mahigit 170 mga parokya.
Kasunod nang appointment nasa limang ecclesiastical territory ang sede vancate sa Pilipinas ang Boac, Kalibo, San Jose sa Nueva Ecija, Tabuk at ang Tagbilaran.
