5,642 total views
Kinilala at nagpasalamat ang Stella Maris Philippines sa sakripisyo ng mga Overseas Filipino Worker (OFW), Filipino Migrants at Seafarers sa ibayong dagat upang maitaguyod ang kanilang pamilya at Pilipinas.
Ito ang ipinaabot na mensahe Antipolo Bishop Ruperto Santos – Catholic Bishops’ Conference of the Philippines (CBCP) Bishop Promoter ng Stella Maris Philippines sa pagdiriwang ng National Migrants Sunday sa September 28.
Pinuri ni Bishop Santos ang patuloy ng sakripisyo ng sektor upang makapagbigay ng magandang buhay sa kanilang pamilya na kasabay ng pagpapalakas sa ekonomiya ng Pilipinas.
“To our migrant workers: you are not forgotten. You are the lifeblood of our nation, the silent heroes who build bridges across continents while holding fast to your faith and culture. Your sacrifices are sacred. Your tears are seen by God. And your courage inspires us to keep fighting for a Philippines that is just, compassionate, and worthy of its people.” ayon sa mensaheng pinadala ni Bishop Santos sa Radyo Veritas.
Tiniyak ng Obispo sa mga OFW, Filipino Migrants at Seafarers na kasama nila ang simbahan sa anumang pagkakataon at pakikibaka sa buhay.
Kaakibat nito ang pangangalaga ng simbahan sa buhay espiritwal at kapakanan ng naiwang mga mahal sa buhay sa Pilipinas.
“The Church stands with you. Christ walks with you. And together, we will reclaim the promise of our nation. May the Blessed Virgin Mary, herself a migrant in her journey to Bethlehem and Egypt, intercede for all our migrant brothers and sisters. And may the Holy Spirit renew our land with justice, peace, and hope, With paternal love and blessing, I remain, Your servant in Christ”, ayon pa sa mensaheng pinadala ni Bishop Santos sa Radyo Veritas.
Taun-taon ginugunita ang Migrants Sunday sa mga parokya sa buong Pilipinas, kasabay ng World Day of Migrants and Refugees na ngayong taon ay itinakda ng CBCP-Episcopal Commission on Migrants and Itinerant People sa temang ‘Migrants, Missionaries of Hope’, upang ipanalangin ang mga OFWs, bigyang suporta ang kanilang pamilya at mapalaganap ang wastong kaalaman laban sa human trafficking at illegal recruitment.
Sa datos ng Department of Foreign Affaits noong 2024, umaabot sa 10.8-Million ang bilang ng mga Pilipinong nasa ibagyong dagat, sa bilang ay naitala ng Philippine Statistics Authority na umaabot naman sa 2.16 million ang bilang ng mga OFW, habang ayon sa Department of Migrant Workers, umaabot naman sa 500-thousand ang bilang ng mga Filipino Seafarers na naglalayag sa ibayong dagat.
