15,608 total views
Mariing kinondena ng EDUCAR Filipinas ang talamak na katiwalian lalo na ang mga proyektong pabigat sa mamamayan gaya ng mga multibillion-peso ghost at substandard flood control projects na kasalukuyang iniimbestigahan.
Ayon sa International Educational Network of the Augustinian Recollect Family ng Province of St. Ezekiel Moreno, ang korapsyon ay hindi lamang pagnanakaw kundi isang kasalanan laban sa buhay.
“Corruption kills,and it kills the weakest first. Corruption is not only theft but a sin against life itself, blood on the hands of those who betray God’s people. Floods may be natural disasters, but deaths from floods are not acts of nature. They are consequences of human sin,” pahayag ng grupo.
Iginiit ng EDUCAR na ang kapabayaan at kasakiman ng ilang lingkod-bayan ang dahilan kung bakit maraming Pilipino ang namamatay sa baha at nagdurusa sa kahirapan.
“Ordinary Filipinos drown not only in floodwaters but also in lies and injustice,” dagdag ng grupo.
Binigyang-diin pa nila na ang pamumuno na walang katarungan ay hindi paglilingkod kundi “pagnanakaw sa ibang anyo.”
Kasabay nito, nangako ang EDUCAR Filipinas na maninindigan laban sa katiwalian at isusulong ang lipunang may integridad: “We pledge: To expose and resist corruption in governance and disaster preparedness; To form builders of communion marked by integrity, courage, and genuine concern for the common good.”
Hinimok din ng grupo ang mamamayan na simulan ang pagbabago sa sarili upang makapili ng tapat na pinuno:“Anger must lead to action. Our protest must not end in noise but must bear fruit in the way we vote, in the way we discern leaders, in the way we live integrity day by day.”
Sa harap ng mga pagkilos gaya ng Trillion Peso March, nanawagan ang mga Agustinong Recoleto sa kabataan na maging pangunahing tagapagdala ng pagbabago:“You are not only the future — you are the present strength of our nation. Do not let yourselves be bought by lies or silenced by fear. Take courage: your integrity is your greatest power.”
