6,605 total reads
Nanawagan ang Kaniyang Kabanalan Papa Leon XIV ng panalangin para sa mga naapektuhan ng malakas na bagyong tumama sa Pilipinas, Taiwan, Hong Kong, Vietnam, at ilang bahagi ng China.
Sa pagtatapos ng Misa para sa Jubilee of Catechists sa St. Peter’s Square, bago ang pagdarasal ng Angelus, iniabot ng Santo Papa ang kanyang pakikiisa sa mga mamamayan ng Asya na labis na sinalanta ng bagyo.
Kabilang sa tinukoy ni Pope Leo ang Pilipinas, Taiwan, Hong Kong, rehiyon ng Guangdong sa China, at Vietnam na lubhang naapektuhan ng matinding sama ng panahon.
Ipinapaabot ng Santo Papa ang kanyang panalangin at malasakit sa mga pamilya ng mga nasawi, mga nawawala, at milyun-milyong napilitang lumikas, gayundin sa mga nawalan ng tahanan at kabuhayan. Nagpahayag din siya ng suporta sa mga rescuer at sa mga lokal na awtoridad na patuloy na nagsasagawa ng pagtulong.
“I assure the affected populations,” the Pope continued, “especially the poorest, of my closeness and my prayers for the victims, the missing, the many displaced families, the countless people who have suffered hardship, as well as the rescue workers and civil authorities,” ayon sa pahayag ni Pope Leo.
Dagdag pa ng Santo Papa, “I invite everyone to put their trust in God and to show solidarity with others. May the Lord give strength and courage to overcome every adversity.”
Hinimok ng Papa ang lahat na magtiwala sa Diyos at magpakita ng pagkakaisa at malasakit sa kapwa at ang dalangin na pagkalooban ng Panginoon ng lakas at tapang ang lahat upang malampasan ang mabibigat na pagsubok.
Batay sa mga ulat, sa Pilipinas, hindi bababa sa 25 ang nasawi, habang 14 naman ang naiulat na namatay sa Taiwan.
Ang bagyo na may international name na Ragasa—ang pinakamalakas na bagyo ngayong taon habang inaasahan ding may apat na bagyo ang papasok sa Philippine area of Responsibility sa buwan ng Oktubre.
Una na ring nagsagawa ng second collection ang ilang mga diyosesis sa Bicol Region na nakatuon sa pagtulong sa mga naapekturan ng magkakasunod na sama ng panahon-kung saan pinakamatinding nasalanta ay ang lalawigan ng Masbate.
