50,114 total views
Hinimok ni Radio Veritas President Father Roy Bellen ang mga Pilipino at mananampalataya na piliin ang kabanalan at paglilingkod sa Panginoon.
Ito ang paanyaya ng Pari sa paggunita ng mananampalatayang Pilipino sa All Souls day, matapos ang pagpaparangal sa mga santo at banal
Ipinagdarasal ng Pari na ang Undas 2025 ay maging paalala na ang buhay ay hiram lamang sa Panginoon kayat marapat paigtingin natin ang paggawa ng mabuti para sa kapwa.
“Sa ating mga mahal na Kapanalig so ito pong araw na ito ay pagkakataon para po ating alalahanin, ipagdasal po ang ating mga mahal na yumao, pero gayundin po ito ay paalala po sa ating lahat tungkol sa buhay natin sa mundo, ito po ay lumilipas kaya tayo din ay maghahanda sa panahon, tayo po ay uuwi kung kaya yung mga bagay na talagang mahalaga huwag kakalimutan,” ayon sa panayam ng Radyo Veritas kay Fr.Bellen.
Inaanyayahan ng Pari ang mga mananampalataya na palalimin ang relasyon pa ang relasyon sa panginoon.
“Ang pagtulong sa nangangailangan, ang pag-iwas po sa masama, paggawa ng mabuti and off course ang atin pong relasyon sa ating Diyos, sa ating Panginoon na sa huli, doon po tayong lahat uuwi, kaya ngayon palang habang tayo ay buhay, atin pong palakasin itong mga relasyong ito,” bahagi pa ng mensahe ni Father Bellen sa Radyo Veritas.
Naunang nanawagan ang Catholic Bishops Conference of the Philippines sa mga Pilipino na isabuhay ang ehemplo ng mga santo at banal upang maibalik ang tunay na diwa ng paggunita sa All Saints at All Souls day na nababahiran na ng komersiyalismo.
