34,624 total views
Itinalaga ni Pope Leo XIV si Fr. Samuel Agcaracar, SVD bilang bagong Obispo ng Diocese of San Jose sa Nueva Ecija, kapalit ni Bishop Roberto Mallari na inilipat sa Diocese of Tarlac noong 2024.
Tubong Claveria, Cagayan, si Bishop-elect Agcaracar ay ipinanganak noong December 4, 1969. Nagtapos siya ng Bachelor’s degree in History of Religious Education sa Divine Word College sa Bangued, Abra at ng Master’s in Education sa Divine Word College sa Laoag, Ilocos Norte.
Pagkatapos nito, pumasok siya sa Christ the King Seminary ng Society of the Divine Word (SVD) sa Quezon City para sa kanyang philosophy, at ipinagpatuloy ang kanyang theology sa Divine Word School of Theology sa Tagaytay City. Nakamit din niya ang Doctorate in Missiology sa Pontifical Gregorian University sa Rome.
Noong 2006, ginawa niya ang kanyang perpetual vows sa SVD, at naordinahang pari noong February 3, 2007.
Bilang misyonero, hinawakan niya ang iba’t ibang tungkulin: naging Regent sa Good Shepherd, Magsaysay (2004–2005); Director for Education ng Divine Word College sa Calapan (2007–2008); Professor (2011–2014) at Rector (since 2020) ng Divine Word Seminary sa Tagaytay; Professor ng Divine Word Institute of Mission Studies at Divine Word Seminary (2018–2020); at Member ng Provincial Council ng SVD.
Sa kanyang pagtatalaga bilang ikalimang Obispo ng Diocese of San Jose, si Bishop-elect Agcaracar ay kasalukuyang Rector ng Divine Word Seminary sa Tagaytay City.
