4,365 total views
Iginiit ni Antipolo Bishop Ruperto Santos na ang Miyerkules ng Abo ay hindi lamang isang ritwal kundi paanyaya sa tunay na pagbabagong-loob at pagbabago ng puso bilang paghahanda sa muling pagkabuhay ni Hesus sa Pasko ng Pagkabuhay.
Ayon sa obispo na ang paglalagay ng abo sa noo tuwing Miyerkules ng Abo ay higit pa sa isang tradisyon kundi isang malalim na paanyaya ng Diyos sa bawat mananampalataya.
“This is not merely a ritual; it is an invitation to transform our hearts and minds in preparation for the celebration of Christ’s resurrection at Easter,” pahayag ni Bishop Santos.
Ayon sa obispo, ang Kuwaresma ay panahon ng pagninilay, pagsisisi, at pagpapanibago ng buhay.
Dagdag pa ni Bishop Santos na bahagi ng pagsisisi ang kababaang loob na aminin ang mga pagkakamaling nagawa laban sa Diyos at sa kapwa.
“As the most predominantly Catholic country in Asia, the Philippines marks this day as a powerful moment of reflection, repentance, and renewal,” ani ng obispo.
Ipinaalala rin ni Bishop Santos ang hamon ng panahon, lalo na sa gitna ng pagkakawatak-watak ng lipunan at hinimok ang bawat isa na suriin ang sariling buhay at ugnayan sa kapwa, bilang konkretong hakbang ng pagbabalik-loob.
“In a world that often feels fragmented and divided, let us be a source of hope and love, embodying the compassion and mercy that our faith calls us to live out daily,” aniya.
Dagdag pa ng obispo mahalagang samantalahin ang panahon ng Kuwaresma upang muling pagtibayin ang pananampalataya at pakikipagkapwa.
“I encourage each of you to use this time to examine your own lives and relationships. Where can we offer forgiveness and seek reconciliation? How can we serve those in need, following the example of our Lord Jesus Christ?” ayon sa obispo.
Tinuran ni Bishop Santos ang natatanging katangian ng mga Pilipino na maaaring maging sandigan sa paglalakbay ng Kuwaresma.
Umaasa ang obispo na ang apatnapung araw na paglalakbay ng sakripisyo, panalangin, at kawanggawa ay magbubunga ng tunay na pagbabago.
“May our Lenten journey of sacrifice, penance, and charity guide us to reconciliation, conversion, and salvation,” giit ni Bishop Santos.
Binigyang-diin ni Bishop Santos na ang Kuwaresma ay hindi lamang paghahanda sa paggunita ng pagpapakasakit ni Kristo kundi isang pagkakataon upang higit na mapalalim ang ugnayan sa Diyos at sa kapwa, tungo sa ganap na pagkakasundo at kaligtasan na handog ng Panginoon.
