12,445 total reads
Tinutulan ng Federation of Free Farmers (FFF) at MAGSASAKA Party-List ang panukalang alisin ang taripa sa pag-aangkat ng mais sa bansa.
Ayon sa FFF at MAGSASAKA Partylist, kung tatanggalin ang taripa o buwis na ipinapataw sa imported na mais, bababa lamang sa hanggang piso at pitumpung sentimo ang presyo kada kilo ng lokal na suplay ng mais.
Kasunod ng pagbaba sa produksyon ng mais ay tataas naman ang presyo ng manok.
“The FFF and MAGSASAKA explained that setting import tariffs on corn to zero would reduce the landed cost of corn by an average of P1.70 per kilo. This would translate to an equal reduction in the production cost of broiler chicken, since approximately one kilo of corn is needed to produce a kilo of chicken. Assuming the savings on import duties would be passed on in full to consumers, retail prices of chicken would go down by less than 1%,” ayon sa mensaheng pinadala sa Radyo Veritas ng FFF.
Nababahala si FFF chairman Leonardo Montemayor na kasabay ng tumataas na presyo ng gasolina at farm inputs, lalo lamang pahihirapan ng zero tariff policy ang sektor ng agrikultura dahil sa kasalukuyan, nasa 5% ang taripa sa imported na mais mula ASEAN region .
Sinabi ni Montemayor na sa halip ipasa ang epekto ng enerhiya sa mga magsasaka ay dapat tulungan ng pamahalaan ang lokal na hog at poultry raisers.
Iginiit ng grupo na matagal nang nakikinabang ang manufacturers at livestock producers sa mga kita sa taripa, kabilang ang malayang pag-aangkat ng feedwheat at barley feeds.
Kaugnay nito, paalala ng Simbahang Katolika na mahalagang pangalagaan ang dignidad at kabuhayan ng mga manggagawa, lalo na ang mga nasa sektor ng agrikultura.
Binibigyang-diin ng Simbahan ang pagsusulong ng mga patakarang nagtataguyod ng katarungang panlipunan at sapat na suporta sa mga magsasaka bilang haligi ng seguridad sa pagkain ng bansa.
