337 total views
Nagbigay-pugay ang Kanyang Kabanalan Pope Leo XIV sa namayapang Santo Papa na si Pope Francis sa unang anibersaryo ng pagpanaw nito, na aniya’y patuloy na nagbibigay-inspirasyon sa Simbahan.
Sa kanyang mensahe, binigyang-diin ni Pope Leo XIV na nananatili sa puso ng mga mananampalataya ang mga salita at gawa ni Pope Francis.
“On the first anniversary of the birth into heaven of our dear Pope Francis, his words and actions remain written in our hearts,” pahayag ng Santo Papa.
Dagdag pa ni Pope Leo XIV, ang pamana ni Pope Francis ay patuloy na isinasabuhay sa pamamagitan ng pagpapahayag ng kagalakan ng Ebanghelyo, pagpapalaganap ng awa ng Diyos, at pagsusulong ng pagkakapatiran sa lahat.
“We carry on his legacy by always proclaiming the joy of the Gospel, announcing God’s mercy, and promoting fraternity among all men and women,” ani Pope Leo XIV.
Patuloy namang inaanyayahan ni Pope Leo XIV ang mga mananampalataya na ipagpatuloy ang misyon ng Simbahan sa diwa ng pag-asa, pag-ibig, at pagkakaisa na iniwan ni Pope Francis.
Matatandaang kasunod ng pagpanaw ni Pope Francis noong April 21, 2025 ay nahirang naman sa naganap na Papal Conclave noong May 8, 2025 si Cardinal Robert F. Prevost, O.S.A. bilang ika-267 Santo Papa na kahalili ni San Pedro at napiling gamitin ang papal name na ‘Pope Leo XIV’.
