6,726 total reads
Inaanyayahan ang mga deboto at mananampalataya na makiisa sa isang makasaysayang pilgrimage sa pag-iikot ng Pilgrim Image ng Our Lady of Guadalupe sa iba’t ibang katedral at dambana sa mga diyosesis sa bansa mula June 13 hanggang December 2026.
Magsisimula ang pilgrimage sa National Capital Region, kung saan unang dadalawin ang Minor Basilica and Metropolitan Cathedral of the Immaculate Conception o Manila Cathedral, bago tumungo sa iba pang simbahan sa Metro Manila at magpapatuloy sa malawak na paglalakbay sa Mindanao, Visayas, at Luzon.
Una nang sinabi ni Ernest Escaler, chairperson ng Guadalupe Pilgrimage Committee, na layunin ng pilgrimage na palalimin ang debosyon sa Mahal na Birhen ng Guadalupe at anyayahan ang bawat isa sa panalangin, pagbabalik-loob, at pagkakaisa bilang sambayanang Kristiyano.
Ito rin ay isang espiritwal na paglalakbay na nag-uugnay sa mga mananampalataya sa iisang layuning mapalapit kay Kristo sa pamamagitan ni Maria.
Mula sa Maynila hanggang Zamboanga, at mula sa Visayas hanggang sa pinakahilagang bahagi ng Luzon, inaasahang dadagsa ang mga deboto upang salubungin ang Mahal na Birhen.
Hinihikayat ang lahat na makibahagi sa pilgrimage, dalhin ang kanilang mga pamilya at komunidad, at gawing pagkakataon ang bawat pagdalaw upang patatagin ang pananampalataya at pag-asa.
Narito ang schedule ng pilgrimage ng Our Lady of Guadalupe:
