2,656 total views
Binigyang-diin ng Climate Change Commission ang kahalagahan ng institutionalized climate budget tagging upang mapalakas ang transparency, accountability, at evidence-based decision-making sa pagpapatupad ng climate action sa ginanap na ASEAN Climate Week Parallel Session on Climate Finance and Climate–Economy Modelling.
Sa kanyang talumpati, sinabi ni CCC Vice Chairperson and Executive Director Robert E.A. Borje, na hindi lamang usaping pangkalikasan ang climate action kundi isa ring usaping pang-ekonomiya at pampinansyal na nangangailangan ng matibay na sistema sa paggabay ng public investments at development planning.
Binigyang-pansin din ni Borje ang Climate Change Expenditure Tagging o CCET ng Pilipinas bilang mahalagang mekanismo sa pagtukoy, pag-uuri, at pagsubaybay sa paggastos ng pamahalaan para sa mga programang may kaugnayan sa klima.
“At its core, CCET is about transparency and accountability. It allows our Government to clearly report how public funds are utilized for climate action not only for compliance under the Enhanced Transparency Framework and the Biennial Transparency Reports, but to ensure that spending leads to measurable outcomes,” pahayag ni Borje.
Iginiit din ng komisyon na mahalaga ang ugnayan ng mga ahensyang may kinalaman sa kalikasan, pananalapi, at development planning upang maging mahusay ang paggamit ng limitadong mga mapagkukunan para sa programang pangklima.
Inorganisa ang nasabing parallel session ng United Nations Development Programme katuwang ang Department of Environment and Natural Resources at Department of Finance bilang bahagi ng pagiging chair ng Pilipinas sa ASEAN ngayong 2026.
Tiniyak ng CCC na patuloy na makikipagtulungan ang Pilipinas sa mga bansang kasapi ng ASEAN upang higit pang mapalakas ang sistema ng climate finance at pagsusulong ng matatag at climate-resilient development sa rehiyon.
