6,725 total views
Nagbabala ang labor group na Ecumenical Institute for Labor Education and Research o EILER laban sa “Pax Silica” agenda sa Pilipinas.
Pinangangambahan ng grupo pinapalakas nito ang kontrol ng mga dayuhan a ekonomiya ng Pilipinas at pagsasamantala sa mga manggagawang Pilipino.
Ayon sa EILER, isinusulong ang Pax Silica ang pagpapaunlad ng semiconductor at high-tech industries sa pangunguna ng Estados Unidos.
Ayon kay EILER Executive Director Rochelle Porras, matagal nang nararanasan sa electronics at semiconductor sectors ang contractualization, mababang sahod, paniniil sa mga union at hindi ligtas na working conditions.
Binigyang-diin din ni Porras na kung walang tunay na national industrialization at matibay na labor protections ay pagsasamantalahan ng lamang ang Pax Silica ang kalagayan ng mga manggagawa sa ilalim ng bagong geopolitical framework.
Nanawagan naman ang grupo sa pamahalaan na sa halip na tutukan ang Pax Silica agreements ay higit na bigyang prayoridad ang labor at environmental protections gayundin ang science and technology agenda na magpapalakas sa disenteng trabaho, domestic industry at demokratikong pamamahala sa likas-yaman ng bansa.
