6,823 total views
Pinuri ni Economy of Francesco Foundation Scientific Coordinator – Luigino Bruni ang kauna-unahang encyclical ni Pope Leo XIV na pinamagatang Magnifica Humanitas, na kaniyang inilarawan bilang isang “love letter” o natatanging mensahe ng Simbahang Katolika para sa sangkatauhan sa makabagong panahon.
Ayon kay Bruni, tampok sa encyclical ang pagbibigay-halaga sa dignidad, pag-asa, at kagandahan ng buhay nang tao sa gitna ng mabilis na pag-usbong ng teknolohiya partikular na ang Artificial Intelligence o AI.
Binigyang-babala rin ng Santo Papa ang panganib ng paggamit ng AI bilang pamalit sa tunay na ugnayang ng tao, lalo na sa larangan ng paggawa, pangangalaga, at pakikipagkapwa.
“We wish to enter into dialogue with all the men and women of our time, together with whom we take part in the events, questions and aspirations of humanity” (2). It is not an encyclical generated by fear of the new, it does not condemn our time by placing itself outside of it, but under the same sky as all, the Pope gives voice to the hopes, joys and healthy concerns of many. An encyclical that therefore speaks the same affectionate language as the Second Vatican Council,” ayon sa mensahen ni Bruni matapos ilathala ang ensiklikal nang Santo Papa.
Ayon kay Bruni, dapat manaig ang paggamit sa teknolohiya upang higit na isulong ang pag-unlad sa buhay, malasakit at habag ng tao.
Lubha ring kinagalak ng opisyal ng EOF Foundation na binigyang-diin ni Pope Leo XIV na mahalaga pa rin ang presensya, salita, at puso ng tao lalo na sa mahahalagang pagpapasya gaya ng pagtrato sa mga manggagawa at mahihirap kasunod ng pagtukoy sa pangangailangang mapanatili ang prinsipyo ng subsidiarity o pagbibigay-halaga sa sama-saman at pagkakaisa ng mamamayan sa lipunan at demokrasya.
“A very beautiful, necessary and important encyclical, at times truly magnificent and prophetic, which reveals to us the theology together with the heart of Pope Leo, a text on a par with the greatest encyclicals of the past. We were waiting for it, but on many pages it exceeds expectations: «The increase in military spending is presented as the only response to an uncertain future or to perceived threats, while the real cost weighs on the poorest» (204),” bahagi pa ng mensahe ni Bruni.
Kasabay nito, nagbabala rin ang Santo Papa sa Magnifica Humanitas laban sa tinawag na “Babel syndrome” o labis na paghahangad ng kapangyarihan at sistemang nagpapahalaga sa istruktura kaysa tao.
Ito ay dahil ipinaalala ng Simbahan na ang tunay na kaunlaran ay nakaugat sa pagkakapatiran, katarungan, at muling pagtatayo ng lipunang kumikilala sa dignidad ng bawat nilalang.
