4,692 total views
Nagbabala ang Archdiocese of Cebu laban sa mga indibidwal na gumagamit ng pangalan ni Archbishop Alberto Uy sa panloloko.
Pinag-iingat ng arkidiyosesis ang mga mananampalataya hinggil sa iba’t ibang uri ng scam na gumagamit ng pangalan ng simbahan at ng mga lider nito.
“Please exercise prudence when dealing with individuals or organizations claiming to represent the Archbishop,” ayon sa pahayag ng arkidiyosesis.
Mahigpit na bilin ng arkidiyosesis na ugaliing beripikahin sa tanggapan ni Archbishop Uy ang anumang matatanggap na transaksyon, lalo na sa usaping pinansyal, upang makaiwas sa mga scam.
“Kindly remain vigilant and cautious against fraudulent schemes, misrepresentations, and scams,” Anila.
Anila maaring tumawag sa tanggapan ng arsobispo sa numero (032) 253-3382 at (032) 254-0951 upang beripikahin ang katotohanan ng mga sulat o mga solicitations na matatanggap.
Mahigpit ang paalala ng mga opisyal ng simbahan sa publiko laban sa mga indibidwal at grupong gumagamit ng pangalan ng simbahan, mga pari, at mga obispo upang makapanloko sa kapwa lalo na ngayong laganap ang artificial intelligence kung saan maaari nang gayahin ang pagkakilanlan ng isang tao.
