3,311 total reads
Nanawagan si Fr. Edwin Gariguez, convenor ng Protect Verde Island Passage Network at director ng Social Action Center ng Diocese of Calapan, na palalimin ang pananagutan ng mamamayan sa kalikasan sa pamamagitan ng ecological justice at integral ecology.
Sa kanyang pagninilay na “Riverside Reflection on Integral Ecology,” binigyang-diin ni Fr. Gariguez na ang ugnayan sa kalikasan ay nagbubukas ng mas malalim na pag-unawa sa moral at espiritwal na aspeto ng pangangalaga sa sangnilikha.
Ayon sa pari, ang katarungang pangkalikasan ay bahagi ng pananampalataya na naglalayong ibalik ang tamang ugnayan ng tao sa Diyos, kapwa, at kalikasan.
“Creation is not merely a resource for human use, but a life-giving ecosystem that we treasure as our home. From this perspective, ecological justice becomes central to faith,” pagninilay ni Fr. Gariguez.
Iginiit din ni Fr. Gariguez na ang krisis pangkalikasan ay isang usaping moral na nangangailangan ng pananagutan at pagkilala sa halaga ng bawat nilalang.
Binigyang-diin niya na ang tunay na pagpapanatili o sustainability ay nagmumula sa pagtataguyod ng kabutihang panlahat at paggalang sa hangganan ng kalikasan.
“This perspective challenges conventional patterns of consumption and development, especially when they disregard ecological balance and social equity. Instead, it proposes a mode of living in which individuals collaborate and harmonize with the earth, fostering both the rights of nature and authentic human flourishing,” ayon kay Fr. Gariguez.
Ibinahagi rin ng pari ang halimbawa ng mga katutubong Mangyan sa Mindoro na nagpapakita ng kongkretong pagsasabuhay ng integral ecology, kung saan ang lupa ay itinuturing na sagradong biyaya at hindi pag-aari.
Dagdag ni Fr. Gariguez, ang pamumuhay ng mga Mangyan ay patunay na posible ang komunidad na nakabatay sa paggalang sa kalikasan at sama-samang pananagutan.
“It affirms that genuine development must be rooted in the preservation of ancestral domains, respect for indigenous lifeways, and the nurturing of relationships that sustain life. In this light, the Mangyan experience does not merely complement the vision of Laudato Si’; it concretizes it, offering a living testimony that ecological spirituality is both possible and necessary in responding to the crises of our time,” ayon sa pari.
Binigyang-diin din ng pari na hindi maaaring paghiwalayin ang pangangalaga sa kalikasan at pagsusulong ng kapakanan ng mahihirap, dahil sila ang higit na naaapektuhan ng krisis pangkalikasan.
“Integral ecology, therefore, presents a holistic vision that unites ecological justice, sustainable communities, advocacy for the marginalized, and renewed stewardship of our common home,” giit ni Fr. Gariguez.
