18,745 total reads
Nanawagan si Sangguniang Laiko ng Pilipinas National President Bro. Albert Loteyro sa mga layko at lahat ng mananampalataya na magkaisa sa panalangin at konkretong pagtulong para sa mga pamilyang naapektuhan ng naganap na 7.8-magnitude na lindol sa Mindanao.
Sa kanyang mensahe, tiniyak ni Loteyro sa mga biktima ng kalamidad ang pakikiisa sa kanilang pagharap sa takot, pagdadalamhati, at kawalang-katiyakan dahil kaisa ng mga biktima ng lindol ang buong Simbahan sa diwa ng pakikiisa, malasakit, at pag-asa.
“The Sangguniang Laiko ng Pilipinas, joins in prayer all our brothers and sisters affected by the recent earthquake in Mindanao. In this time of fear, loss, and uncertainty, we want them to know that they are not alone. The entire Church stands with them in solidarity, compassion, and hope.” Bahagi ng pahayag ni Loteyro sa Radyo Veritas.
Hinikayat din ni Loteyro ang mga lay leaders sa iba’t ibang Diocesan Councils of the Laity at mga National Lay Organizations na magsama-sama at mag-organisa ng mga hakbang upang matugunan ang agarang pangangailangan ng mga naapektuhang komunidad sa Mindanao.
Ayon kay Loteyro, ” As one family in Christ, we are called to open not only our hearts in prayer, but also our hands in service. In moments like this, our faith comes alive through acts of mercy, kindness, and generosity. Whatever help we can offer, no matter how small, becomes a sign of God’s love for those who are suffering. We lovingly appeal to our lay leaders in the different Diocesan Councils of the Laity and National Lay Organizations to come together, to organize, and to respond with compassion to the urgent needs of our brothers and sisters in Mindanao.”
Tiniyak din ni Loteyro ang pananalangin ng Sangguniang Laiko ng Pilipinas na paginhawahin ng Panginoon ang mga nagdadalamhati, palakasin ang mga natatakot, pangalagaan ang mga higit na nangangailangan, at gamitin ang lahat bilang kasangkapan ng Kanyang kagalingan at kapayapaan.
Binigyang-diin ni Loteyro na sa panahon ng sakuna, higit na naipapakita ng mga Kristiyano ang kanilang pananampalataya sa pamamagitan ng awa, kabutihan, at pagkakawanggawa para sa kapwa.
Panawagan din ni Loteyro na ipagpatuloy ang sama-samang pananalangin, pagmamalasakit, at pagkilos bilang iisang Katawan ni Kristo para sa pagbangon ng mga naapektuhan ng lindol sa Mindanao.
