1,461 total reads
Nanawagan ang Coalition Against Death Penalty (CADP) ng katarungang nakapaghihilom sa halip na hustisyang kumikitil ng buhay.
Ito ang bahagi ng panawagan ng Coalition Against the Death Penalty President Comm. Karen S. Gomez-Dumpit sa paggunita sa World Day Against the Death Penalty nitong October 10, 2026 kasabay ng pagdiriwang sa kalayaan ni Mary Jane Veloso matapos ang mahigit 14 na taon sa death row sa Indonesia.
Para sa CADP, ang paggawad ni Pangulong Ferdinand Marcos Jr. ng absolute pardon kay Veloso noong Setyembre 25, 2026 ay sumasalamin sa tema ng 24th World Day Against the Death Penalty ngayong taon na “Stories for Life,” na nagbibigay-diin sa mga buhay at kuwento ng mga taong apektado ng death penalty.
“Mary Jane’s story for life is a cause for celebration and reflection. It shows that justice can heal when governments, advocates, and communities work together.” Bahagi ng pahayag ng CADP.
Kinilala rin ng CADP ang mga naging bahagi ng mahabang kampanya para kay Veloso, kabilang ang National Union of Peoples’ Lawyers (NUPL) at Migrante, at binigyang-diin ang pangangailangang protektahan ang mga migranteng manggagawa at mga nakaligtas sa human trafficking.
“It calls on all to protect migrant workers and trafficking survivors and recognize them as victims, not criminals.” Dagdag pa ng CADP.
Bagama’t ipinagdiriwang ng grupo ang kalayaan ni Veloso, binigyang-diin nitong hindi pa nagtatapos ang laban para sa abolition ng death penalty.
“While today is a time to be thankful, CADP stresses that the fight continues for others still on death row.” Ayon sa CADP.
Ayon sa CADP, dapat gamitin ang mga aral mula sa kaso ni Veloso upang ipagpatuloy ang pagkilos hanggang sa wala nang buhay na malagay sa panganib ng execution.
“We move forward with the lessons from Mary Jane’s case, working together until no life is left at risk of execution.” Paliwanag ng CADP.
Nanawagan din ang grupo sa mga lider ng pamahalaan at komunidad na ipagpatuloy ang pagsusulong ng abolition ng death penalty at tiyaking hindi mawawala sa sentro ang dignidad at karapatan sa buhay ng bawat tao.
“Mary Jane Veloso’s freedom is more than a personal victory — it is a clarion call. Let us amplify stories for life that affirm dignity, resilience, and the right to life.” Dagdag pa ng CADP.
Sa paggunita ng World Day Against the Death Penalty ngayong taon, muli ring iginiit ni Pope Leo XIV na hindi kailangan ang death penalty upang mapangalagaan ang common good at maisakatuparan ang katarungan, sapagkat ang parusang kamatayan ay sadyang hindi katanggap-tanggap dahil ito ay isang pag-atake sa di-malalabag na karapatan at dignidad ng isang indibidwal
