736 total reads
Naniniwala ang Obispo ng Diocese of Balanga, Bataan na tulad ng naganap 79-aon na ang nakakalipas ay muling humaharap ang mga Filipino sa isang digmaan sa kasalukuyang panahon.
Ito ang pagninilay ni Balanga Bishop Ruperto Santos sa ika-79 taong paggunita sa Araw ng Kagitingan sa gitna ng pandemya.
Ayon sa Obispo, pambihira ang kinahaharap na digmaan sa ngayon ng lahat laban sa Coronavirus Disease 2019 na isang kalabang bagamat hindi nakikita ay malawak naman ang naidudulot na krisis sa buhay ng bawat isa.
Ayon kay Bishop Santos, sa gitna ng patuloy na pakikipagdigma ng lahat laban sa COVID-19 pandemic ay marapat ding tularan at gawing huwaram ang katatagan, katapangan at kagitingan ng mga bayani ng bansa na ipinagtanggol at ipinaglaban ang kalayaan at karapatan na tinatamasa natin sa kasalukuyang panahon.
“What they experienced 79 years ago is happening now. We are at war against Covid19 pandemic. Our unseen enemy is coronavirus. But this time we will not fall. We will defeat Covid19 pandemic. Let us put into practice the resiliency, the courage and sacrifices of those who defended our freedom, our rights.” pahayag ni Bishop Santos sa panayam sa Radio Veritas.
Ipinagdarasal ng Obispo na tulad ng mga magigiting na bayani noong World War 2 ay magkaisa at magtulungan ang lahat para sa kapakanan at kabutihan ng kapwa.
Inihayag ng Obispo na bukod sa pagtutulungan ay mahalaga rin ang pagsunod sa mga payo at ipinatutupad na panuntunan ng mga eksperto at mga nangangasiwa sa pagtiyak ng kaligtasan ng lahat mula sa pagkalat ng COVID-19 virus.
“Like them let us be one and united, committed and collaborative for everyone’s welfare. Helping one another in this Covid19 and obeying the IATF protocols we become heroes to all.” Dagdag pa ni Bishop Santos.
Ang ika-79 na taong paggunita sa Araw ng Kagitingan ay pag-alala sa kabayanihan ng mga Filipino laban sa pananakop ng mga dayuhang bansa.
