612 total views
Magsasagawa ng libreng internet forum ang Saint Camillus Center for Humanization in Health bilang paggunita sa Suicide Prevention Awareness Month ngayong Setyembre.
Tema ng internet forum ang “MAHIRAP NGUNIT POSIBLENG MALAMPASAN: UNDERSTANDING AND PREVENTING SUICIDE”, na gaganapin sa Setyembre 24 mula alas-7 hanggang alas-8 ng gabi sa pamamagitan ng zoom.
Ang nasabing webinar ay ambag ng mga Camillians sa tulong ng Saint Camillus Center for Humanization in Health upang gawing pangkarinawan ang usapin hinggil sa suicide na laganap lalo na ngayong panahon ng pandemya.
“Through the webinar, the Camillians hope to help in raising community awareness and breaking down the stigma and taboo to make progress in preventing suicide,” pahayag ng Saint Camillus Center for Humanization in Health.
Si Dr. Joan Mae Perez-Rifareal, DPBP, FPPA, isang adult and general psychiatrist ang magpapaliwanag at maghahatid ng mga impormasyon hinggil sa tema ng webinar.
Maaari namang matunghayan ang nasabing internet forum sa mga facebook page ng The Camillians, St. Camillus Center for Humanization in Health, at Camillus MedHaven Nursing Home.
Batay sa Philippine Statistics Authority, naitala sa bansa noong 2020 ang 57-porsyentong pagtaas sa antas ng mga nasasawi dahil sa suicide kumpara noong taong 2019, bago pa tuluyang lumaganap ang pandemya sa lipunan.
