977 total views
Ikakabuti at pag-unlad ng mga kasapi ang prayoridad ng Caritas Et Labora.
Binigyan ito ni Marla Hermosura – Officer In Charge at General Manager ng kooperatiba sa paggunita ng ika-15 taong anibersaryo ng kooperatiba ngayong buwan ng Hulyo.
“Patuloy na magkaroon ng puwang ang mga manggagawa sa ating bansa at mabigyan sila ng espasyo na they are really existing at they really need to value dahil ang adbokasiya ng caritas et labora makapagbigay ng trabaho hindi lang trabaho pero maiangat ang kanilang pamumuhay sa pamamagitan ng pagbibigay ng mga training,” ayon sa panayam ng Radio Veritas kay Hermosura.
Ayon kay Hermosura, patuloy ang pamamahagi ng Caritas Et Labora ng mga benepisyo at insentibo sa kanilang mga miyembro tulad birthday incentives, christmas incentives at libreng insurance program.
Tiniyak ni Hermosura ang paglago ng kooperatiba dahil sa dumadaming kumpanyang kasapi ng Caritas Et Labora at patuloy na pagdami ng mga kasaping miyembro.
Ipinapaalala naman ni Hermosura sa mga nais maging miyembro ng kooperatiba na ihanda ang sarili na maging negosyante sa pamamagitan ng loan programs na nagbibigay oportunidad sa mga kasapi na magtaguyod ng sariling negosyo at pagsisilbing ‘kamay-ari’ ng Church cooperative.
July 05 2007 ng itatag ang Caritas Et Labora sa inisyatibo ng dating Arsobispo ng Maynila na si Gaudencio Cardinal Rosales, D.D at Caritas Manila executive director Fr. Anton CT Pascual.
Mula sa unang 37-miyembro ay umaabot na sa 1,200-manggagawa ang miyembro ng kooperatiba sa Metro Manila, Cavite at Batangas.
Ang mga miyembro ay nagta-trabaho sa propesyon ng housekeeping, maintenance, back operations, constructions, logistics, disinfection, general cleaning, medical field at media.
