957 total reads
Inilunsad ng Archdiocese of Cebu ang kauna-unahang State of the Laiko Report ngayong August 20.
Ito ay inisyatibo ng Archdiocesan Commission on the Laity na layong isapubliko ang mga programang ipinatupad lalo na noong nagsimula ang pamdemya.
Sa panayam ng Radio Veritas kay Laiko Cebu Chairperson Fe Barino, sinabi ng opisyal na ito ang pagkakataon na ilahad sa mamamayan ang tinatahak ng komisyon na katuwang ng simbahan sa pagmimisyon.
“This aims to inform the lay organizations, the priests, and the archbishop where we are now, the commission on the laity because even in the pandemic we were active; This also a venue for us lay people to listen to the archbishop kung ano ang direksyon ni Archbishop (Jose) Palma for the laity, “ ayon kay Barino sa panayam ng himpilan.
Ibinahagi ni Barino na isa sa malaking nagawa ng komisyon ang pagbuklurin ang iba’t ibang lay organizations sa arkidiyosesis bilang council tulad ng grupo ng mga Marian devotees, popular devotions, charismatic groups, lay tertiary at ang iba pang apostolate services ng simbahan.
Naniniwala ang opisyal na ito ang unang hakbang para pagkaisahin ang mga layko tungo sa mas matibay na pundasyon ng simbahan at pagpapalago ng misyon sa mga komunidad.
“We were able to form five councils under the Commission on the Laity and to us it’s a very great development kasi yung collaboration para sa simbahan naging strong,” ani Barino.
Tema ng pagtitipon ang “Lihok Laiko Padayon sa Panaw sa Pagsangyaw” na isang paanyaya sa bawat mananampalataya na paigtingin ang pakikiisa sa misyon ng simbahan lalo ngayong inilunsad ni Pope Francis ang Synod on Synodality.
Sinabi ng opisyal na mahalagang palakasin ang mga layko upang mapaglingkuran ng simbahan ang halos limang milyong katoliko sa arkidiyosesis sa 174 mga parokya.
“We are focusing on strengthening the councils of the lay organizations para sila they will make their presence felt in the Parishes, serving the church, bringing them back to the Parishes through their charism,” giit ng opisyal.
Isinagawa ang State of the Laiko Report sa IEC Pavilion na dadaluhan ni Cebu Archbishop Jose Palma, at mga katuwang na obispo ng arkidiyosesis gayundin ang iba’t ibang kinatawan ng lay groups sa mga district ng Archdiocese.
Umaasa si Barino na sa pamamagitan ng programa at inisyatibo ng komisyon ay mas mapaigting at mapalalim ang pananampalatayang katoliko at maisabuhay ang simbahang naglalakbay ng may pagbubuklod sa bawat isa.
“I hope through this programs mas maraming layko ang ma-involve sa ating simbahan not just simply by attending the mass but most especially engage in the works of the church and we can bring people closer to God in serving the church and the community,” ani Barino.
