862 total reads
Patuloy ang Autism Society Philippines (ASP) sa pagsusulong ng mga hakbang upang magkaroon ang mga ‘Adults living with Autism’ ng pagkakataon na maging bahagi ng ekonomiya.
Ito ang mensahe ni Mona Magno-Veluz – Pangulo ng ASP sa paggunita noong ikalawa ng Abril nang ‘World Autism Awareness Day’ sa buong mundo.
“yung ASP Authism works talagang gusto po namin gumawa ng sustainable na economic empowerment opportunity nag-umpisa po ito mga 2016 as an employment initiative na parang ang ginagawa namin pumupunta kami sa communities tapos naghahanap kami ng partners,” ayon sa panayam ng Radio Veritas kay Veluz.
Ayon din kay Veluz, sa kabila ng pag-iral ng mga panuntunang nilimitahan ang kilos ng bawat isa simula pa noong 2020 bunsod ng pandemya ay natulungan nilang magkatrabaho ang higit sa 250 mamamayan may Autism.
Sa pamamagitan din ng kanilang mga kasalukuyang programang ‘ASP Negasyau’ at ‘ASP Autismall’ ay natutulungan nila ang mga People with Autism na magkaroon ng kasanayan upang patakbuhin ang kanilang mga sariling negosyo at online businesses.
“Tapos po mayroon din kaming tinatawag naming ASP autismall this is a Shoppee store it is a virtual marketplace para po doon sa mga products and services by and store persons thru the autism spectrum ang ASP po ang nagma-manage tapos parang ito po ang laboratory for budding entreprenuers to help them bring their products to market,” pagbabahagi pa ni Veluz.
Bago pa ang pandemya ay naging aktibo ang ASP sa mga programang tinutulungan ang mayroong mga Autism na magkatrabaho o hanapbuhay sa pamamagitan ng proyektong ‘Project Gourmet’.
“But hopefully we’re back to face to face mababalik po natin yung sheltered workshop ngayon tapos mayroon din po kaming mga periodic workshop called ‘Project Gourmet’ na ang ginagawa namin nakikipag-partner kami sa mga restaurants tapos gumagawa kami ng mga special events na lahat ng tao from the kitchen to the wait staffs puro mga taon may autism,” pagbabahagi pa ni Veluz.
Unang ipinabatid nang Catholics Bishops’ Conference of the Philippines ang kahalagahan ng pagpapatupad ng mga batas na magbibigay ng pagkakataon sa sektor ng ‘Persons with Disabilities’ na sila’y makapagbahagi sa ekonomiya at makapamuhay ng may dignidad sa lipunan.
